Connect with us

Horcan Beryl a yega isla di Carriacou na Grenada como categoria 4

Caribe

Horcan Beryl a yega isla di Carriacou na Grenada como categoria 4


Horcan 6

Horcan Beryl considera di ta uno sumamente poderoso y peligroso a yega na e isla Caribense di Carriacou cu bientonan di 240 kilometer pa ora (casi yegando un horcan categoria 5). E horcan aki a supla daknan bay cu n’e, ranca matanan y causa dañonan na e islanan di Grenada y na otro partinan zuid di Caribe.

Segun National Hurricane Center a indica; “ Esaki ta un situacion di peliger di bida y extremadamente peligroso”.

Advertencia di horcan a keda den efecto pa Grenada, Sint Vincent y The Grenadines, mientras cu miles di hende a bay busca refugio den casnan y shelternan. E ultimo horcan fuerte cu a asota e parti zuid di Caribe tawata horcan Ivan 20 aña pasa, cu a mata miles di persona na Grenada.

Durante un conferencia di prensa, Director di  National Hurricane Center Michael Brennan a bisa cu horcan Beryl ta asotando e parti West di Caribe cu bientonan riba 120 miya pa ora (miles per hours) y cu awasero torrencial.

Horcan 6

E emisora na Sint Vincent y The Grenadines “NBC Radio” a bisa cu a ricibi hopi reporte di daknan cu a wordo ranca di scolnan y misanan, mientras tambe e infrastructura di comunicacion a cuminsa collapse na e parti zuid di Caribe. 

Mientrastanto dialuna atardi, Beryl tawata situa 65 miya (105 kilometer) na e parti noord-west di e isla di Grenada, moviendo direccion west noord-west na 20 miya pa ora (31 kilometer pa ora).

Na Barbados, autoridadnan a ricibi mas cu un dozijn di aviso di daño na daknan, matanan cu a cay, y palonan di luz cu a cay rond di e isla, asina Kerry Hinds cu ta e director di encarga cu maneho di emergencia a bisa.

Horcan 5

Wilfred Abrahams cu ta e minister di asuntonan domestico di e pais, a informa cu lo haci uzo di drone cu ta hopi mas rapido cu ekiponan di persona circulando rond di e isla, pa asina cuminsa inventarisa e dañonan na momento cu Beryl pasa.

Tin un advertencia pa un tormenta tropical den efecto pa Sint Lucia y Martinique. Tambe a emiti un vigilancia pa tormenta tropical (tropical storm watch) pa e costa zuid completo di Haiti, y na Punta Palenque na Republica Dominicana cu ta situa na e parti west cu e frontera cu Haiti. A emiti un alerta di horcan (hurricane watch) pa Jamaica.

Autoridadnan na e islanan zuid oost di Caribe a anuncia interupcion di coriente anticipa y a adverti riba posibel interupcion di suministro di awa, como tambe por tin caso di inundacion. scolnan, aeropuertonan  y oficinanan di gobierno lo ta cera te proximo aviso.





Source link

More in Caribe

A2Z ADMINISTRATION

AD

To Top