Connect with us

Hoogerwerf: Mayoria di ex studiante na Aruba cu fiansa di DUO, tin problema pa paga esak bek

Aruba

Hoogerwerf: Mayoria di ex studiante na Aruba cu fiansa di DUO, tin problema pa paga esak bek


Posted on 11/16/2021 10:03 am AST | Updated on 11/16/2021 10:05 am AST

ORANJESTAD – Tin un grupo di por lo menos 4 mil ex studiante cu tin debe habri cu e prestamo pa medio di e areglo di Dienst Uitvoering Onderwijs (DUO) na Hulanda. Y di e grupo aki, mayoria tin retraso di pago y tin problema pa paga bek. Y e representante di DUO cu ta temporalmente na Aruba, Monique Hoogerwerf ta admiti den e programa Noticiacla LIVE recientemente cu e ta un problema.   . Hopi di e casonan a bira un caso pa deurwaarder, pasobra e ex studiantenan no ta paga esaki. Segun Hoogerwerf, e ta compronde cu unabez cu e ex studiante bin Aruba bek, e ta haya mas debe y esun di DUO no ta bira esun di mas importante pa paga bek. Pero e ta pidi pa tur esnan cu tin debe, pa acerca DUO su oficina na Aruba awor, pa asina por splica con por yega na un areglo di pago miho, y asina evita cu bo caso ta bin den man di un deurwaarder. Mes momento e r Hoogerwerf ta bisa cu tur aña, como 400 studiante ta haci peticion y ricibi e prestamo di DUO, cu ta yuda e studiante cu su desaroyo na Hulanda. Mes momento e ta bisa cu tin mas of menos 2 mil studiante cu tin aworaki studiando na Hulanda cu un prestamo di DUO. 

PRESTAMO DUO

Un prestamo DUO ta un prestamo cu ta wordo otorga na studiantenan cu cumpli cu e rekisitonan y cu ta studia na Hulanda so. A pidi pa e studiantenan aki cuminsa regla nan peticion por lo menos 3 luna prome cu nan sali pa Hulanda pa tur cos cana netchi y cla y na tempo pa ora cu nan sali pa Hulanda. Por papia di un suma di por lo menos 1000 euro cu e studiante ta haya presta pa luna, cu ta e suma cu a calcula cu un studiante na Hulanda mester pa luna pa por sobrevivi. Studiantenan di mayornan cu ta gana menos placa, por bin na remarke pa un suma extra, cu no tin cu wordo paga bek y cu ta los di e 1000 euro aki. Banda di esaki, studiantenan di Aruba por ricibi e asina yama ‘Aruba lening’ cu tambe ta yuda e studiante. 

CON PA HAYA UN PRESTAMO DI DUO

Tin un website special pa alumnonan potencial, www.duo.nl/antillen unda cu tin tur informacion unda cu un studiante mester pensa y haci pa bay studia na Hulanda. Tur cos ta wordo splica riba e portal. Tin tambe un oficina temporal na Aruba situa den e JFK building. Peticion tabata pa hopi tempo pa tin un presencia local riba e isla pa por tin mas informacion pa tanto esnan cu no tin prestamo, como esnan cu tin prestamo y por haya informacion balioso. 





Source link

Click to comment

Leave a Reply

Your email address will not be published. Required fields are marked *

More in Aruba

To Top