Connect with us

Honor di Tapushi Literario pa baluarte Ruthy Vrieswijk

Aruba

Honor di Tapushi Literario pa baluarte Ruthy Vrieswijk


Recientemente tabatin e final di Arte di Palabra ABC, competencia literario pa alumno di enseñansa avansa cu a tuma luga na K-center Corsou. Durante e competencia, participantenan di Aruba, Boneiro y Corsou a participa cu sea un cuenta cortico of un poema di nan mes of di un otro autor.

Tur aña e comision di Arte di Palabra Corsou ta duna homenahe na diferente persona cu a contribui na papiamento di islanan ABC. Baluartenan cu a ricibi Tapushi Literario e aña aki a bay pa:

Aruba: Ruthy Vrieswijk

Boneiro: Emma Sint Jago

Corsou: Bernadette Heiligers y Bianca Neman

Debi cu Ruthy Vrieswijk tabata den exterior y no por tabata presente durante entrega di Tapushi literario, lider di proyecto Arte di Palabra Aruba di Departamento di Cultura, kende ta Julie Merencia, a ricibi e Tapushi pa Ruthy y a lesa un mensahe di gradicimento cu Ruthy mes a skirbi.

Diamars dia 28 di juni, director di Departammento di Cultura y Julie Merencia a haci entrega di e Tapushi Literario oficial na Ruthy hunto cu un certificado di merito.

Na nomber di Comision di Arte di Palabra cu ta consisti di Departamento di Cultura y Fundacion Corector di Papiamento, ta felicita Ruthy cu su reconocemento y ta gradici e pa su aporte na Papiamento.

Potretnan ta cortesia di Jhon Freddy Montoya





Source link

More in Aruba

AD

Advertisement

Trending

Advertisement
To Top