Connect with us

Homenahe postumo na Vicente ‘Mo Chen’ Figaroa

Aruba

Homenahe postumo na Vicente ‘Mo Chen’ Figaroa


Vicente Figaroa a biba hopi aña na Hulanda y tabata forma parti di e organisacion di Hengelo Giants. Recientemente, a condecor’e como miembro den e “Orde van Oranje-Nassau”. Masha poco Rubiano a yega di haya un condecoracion Real asina, na Hulanda!

Tabata aña 1965 cu Vicente Figaroa a subi avion pa bay establece su mes na madre patria, Hulanda. Pa mas di 40 aña el a biba na Hengelo, unda e tabata forma parti di e cuerpo di boluntario di e organisacion di Hengelo Giants. 

Na Hulanda el a traha na e compania Hollic y den su tempo liber e tabata dedica na deporte, mas tanto softball cu baseball, cu tabata dos deporte cu e tabata stima masha hopi mes y Hengelo Giants tabatin varios team di softball y baseball. Tambe ‘Mo Chen’ a fungi como umpire rond Hulanda.

‘Mo Chen’ tabata stima su deporte di baseball y softball y tabata forma parti di Hengelo Giants. Practicamente e tabata biba riba veld. Cada biaha cu Nicolina Gei tabata di bishita cerca su Omo Chen semper e tabata riba veld. 

El a haci masha hopi mes pa e organisacion cu el a stima masha hopi mes. Y esaki a haci tambe cu e mesun organisacion aki a manda tur su informacion pa asina dun’e su merecido homenahe, den forma di un condecoracion real. Mas o menos diescinco aña pasa Vicente ‘Mo Chen’ Figaroa a bolbe bek Aruba, su isla stima. 

Un anecdota cu famia por corda, ta cu ora cu nan omo bin vakantie Aruba, e tabata busca tur su subrinonan, pa keiro cu nan, hiba nan como ice-cream. Esaki nan ta recuerdonan bunita cu a keda atras, pa e famia. 

Cu Vicente ‘Mo Chen’ Figaroa sosega na paz. 





Source link

Click to comment

Leave a Reply

Your email address will not be published. Required fields are marked *

More in Aruba

To Top