Connect with us

Homenahe den Cas di Cultura: “T’ami ta Jossy”

Aruba

Homenahe den Cas di Cultura: “T’ami ta Jossy”


Ta considera Jossy Brokke como un di e cantante y compositornan Arubiano di mas emblematico y legendario di henter nos historia como isla y como pais. Su carera musical a cuminsa na aña 1956 cu su 9 aña di edad, den e programa “Buscando talento artisico” di e legendario Addison Croes, via di e emisora Voz di Aruba AM.

Un di e momentonan di mas culminante di su carera tabata 30 di october 1976 ora el a bira e prome cantante Arubiano cu a representa Antias Hulandes den Festival internacional di OTI, un di e festivalnan musical internacional di mas renombre di tur tempo.

Cu su 74 añanan di edad, actualmente, Jossy Brokke por mira atras riba un carera y trayectoria impresionante como cantante, compositor, musico, productor, presentado di television y entrepreneur creativo. 

Su logronan, exitonan, premio y reconocementonan ta excepcional y numeroso. El a representa Aruba na varios pais rond di mundo y ta hopi ta e cantantenan cu a interpreta su composicionnan. Masha poco artista sinembargo tin e privilegio y dicha di por cumpli 65 aña activo den e mundo di entretenimento.

Desde algun siman caba por a scucha varios comentario cu lo tin un proyecto hopi special na caminda prome cu 2021 yega su fin. E noticia aki a haci su fanaticonan masha contento y entusiasma. Riba e pagina oficial di Jossy Brokke riba Facebook, por a mira e confirmacion cu fundacion Go Cultura a tuma e iniciativa y encargo pa organisa: “T’ami ta Jossy”, un homenahe musical na e bos di oro di Aruba, combina cu un documentario biografico di e bida di Jossy, ya cu e logro historico aki no por pasa bay sin mas. 

Loke por anticipa ta cu e homenahe musical lo tuma luga dia 1 di december proximo den Cas di Cultura. E lo ta un concierto di gala, carga pa un elenco impresionante di e streanan di mas briyante di e mundo musical di nos pais, cu na mes momento ta amigonan di semper di Jossy. Hunto cu ne, nan lo presenta su exitonan musical y celebra hunto cu Jossy Brokke, 65 aña magnifico di musica, inspiracion y alegria.

Entrada ta limita considerando tur e regla y protocolnan di DVG cu ainda ta vigente. Keda pendiente pa mas detaye di e proyecto: “T’ami ta Jossy – Homenahe na e bos di oro, celebrando 65 aña cantando pa su pueblo” den Cas di Cultura dia 1 di december proximo. 





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top