Connect with us

Homber a saca cuchiu pa su mesun famia

Aruba

Homber a saca cuchiu pa su mesun famia


Un problema familiar a caba den detencion den Avenida Milio Croes diadomingo den oranan laat di atardi. Unidad policial mester a acudi cu urgencia ya cu a indica cu cos ta bayendo fo’i man entre un subrino y omo cu ta bringando.

Ora e agentenan a yega, familiarnan a indica cu e subrino tin un arma blanco den su poder. Polisnan a bis’e mesora pa e pone su man na halto y tira curpa na tera. Despues di a ripiti esaki varios biaha, el a cumpli cu e ordo di polis. Ora cu a neutralis’e y bay controla, en berdad a haya un cuchiu basta skerpi den su poder.

Homber a saca cuchiu pa su mesun famia

Posted by 24ora on Sunday, December 19, 2021

Inmediatamente a confisca e arma, a pone e individuo na boei y a pidi un unidad di transporte pa hib’e na warda di polis pendiente interogacion y decision di fiscal. Mientrastanto, e famia a declara loke a sosode contando con el a purba hinca un di nan, pero no a logra y nan mester a core pa nan bida. Tambe a indica cu agresor ta un uzado frecuente di droga.

Por a compronde cu no ta prome biaha cu autoridad policial mester bay na e sitio pa atende cu situacion y pone ordo. Mirando su actitud hopi straño, agentenan a puntr’e si en berdad el a consumi droga. Un caso lamentabel pa un persona di edad hoben cu ya caba a cay den vicio y tin un recorda mahos cerca husticia.





Source link

Click to comment

Leave a Reply

Your email address will not be published. Required fields are marked *

More in Aruba

To Top