Homber a menasa dama cu arma di candela na Coba Lodo

Dialuna prome cu 8’or di mainta un homber den un hyundai elantra blanco a presenta na un cas na Coba Lodo y busca problema cu e señora y kier a regla e asunto cu un arma di candela y menasa cu a caba na agresion cu e persona pa despues bandona e sitio.

E persona a reporta na Polis cu el a keda menasa pa e chauffeur masculino den e elantra. Riba caminda di Tanki Leendert patruya ta topa cu e auto y a duna e chauffeur un señal pa para. Asina a pone baha cu cautela y detene e homber pa menasa cu posibel arma di candela. E oficialnan a listra e auto tambe. E detenido a keda transporta pa warda di Polis.