Homber a corta su mesun horea

Diaranson mainta tabatin un caso cu a sosode den Playa cu inicialmente a pensa lo tabata trata di un caso di maltrato. E victima mes a aclaria despues cu esaki no tabata e caso, pero mas bien un accidente el a sufri.

Polis a yega rapido na e sitio y en berdad a topa cu un homber cu tabata mustra malamente “maltrata”. Pero e tabata su so. “Mi a cay,” el a bisa e polisnan mesora.

A tuma nota cu e no tabata mucho bon, esta e ta mustra burachi y e tabatin un boter di cerbes den su man. E tabata sangra basta na e banda robes di su cara. E sla tabata bini di e horea robes, cu tabata visiblemente corta. Ta mustra cu el a perde un pida horea.

E homber a declara cu e tabata riba un trip y el a cay dal su horea, y a causa di esaki el a perde e pida horea. Ambulance a yega na e sitio pa atende y hib’e hospital.