Connect with us

Hof a cuminsa cu caso Avestruz: Scuchamento di cuater testigo lo domina durante dos dia

CORTE FALSO scaled

Caribe

Hof a cuminsa cu caso Avestruz: Scuchamento di cuater testigo lo domina durante dos dia


CORTE FALSO

Curt Harms, Pieter Susebeek, Leoncita Arends, Benny Sevinger,Gaby Werleman, Ninosca Nuñez y Carlo Mansur tabata presente den corte un rato dialuna mainta pa inicio tratamento di e caso Avestruz. E caso aki lo ta uno largo y lo tuma probablemente dos siman pa yega na e ultimo palabra di e diferente acusadonan. Por ta e momento ey ainda por bisa cu no ta cera tratamento ainda y lo bay analisa si no mester haci nada mas.

Tres hues cu no ta di Aruba lo sinta na e mesa pa scucha e testigonan, repasa e dossier y haci pregunta riba e caso na e acusadonan. Segun palabracion haci dialuna mainta, lo scucha dos testigo y diamars lo scucha dos testigo.

Tur di parti di defensa di Sevinger. Riba diaranson lo bay riba e acusacionnan presenta, si tur ta valido pa e caso den Hof. Aki ta caminda un abogado a cuestiona acusacionnan cu a haya vriispraak y cu tambe ta den e citacion nobom aunke cu no tin apelacion haci p’e esey.

Tambe por a tuma nota cu ora fiscal a presenta e acusacionnan, a menciona tambe con esaki ta aparece den Codigo Penal nobo. Pero e presidente di Hof a informa tur abogado cu awe e ta scucha so, tambe e testigonan. Diaranson lo discuti e citacion, documentonan cu a drenta y e tratamento profundo.

Diahuebs y diabierna ta repasa e diferente dossiernan. Otro siman dialuna ta cuminsa cu rekisitorio, sigui pa dupliek y repliek. E ultimo aki no sa ainda cuanto dia e lo dura. Ta spera cu pa diaranson e acusadonan lo hiba nan ultimo palabra. Esey ta si no surgi retraso den e caso. Y despues Presidente di Hof lo informa si ta cera tratamento di e caso y bay studia e caso pa sentencia.

Caso Avestruz

Dia 2 di october 2019 Ministerio Publico a realisa varios entrada hudicial, cu Landsrecherche hunto cu hues comisario y den cooperacion cu Cuerpo Policial di Aruba, na diferente luga. Esaki den cuadro di un investigacion penal di Landsrecherche pa posibel delito di corupcion y otro echo castigabel posiblemente cometi relaciona cu otorgamento di terenonan di gobierno.

Mas concretamente: E investigacion ta dirigi riba e pregunta si un of mas compania a obtene a base robes (un opcion riba) derechonan di erfpacht di terenonan di pais Aruba den e añanan 2009 te 2017. Ademas ta investiga e rol di ex-minister Benny Sevinger den esaki.

Den luna di april, 2021, a realisa diferente detencion, y riba 26 di mei, a detene tanto ex-minister Benny Sevinger como su esposa Claudia Castaño Henao. Tres dia despues, dia 29 di mei, casa di Sevinger a sali liber.

Ex-minister Benny Sevinger a keda deteni pa casi 70 dia y asina mes a logra obtene su posicion den parlamento cu no menos cu 1614 voto. Dia 3 di augustus el a sali liber. Ta acusa e parlamentario di falsificacion, estafa, tumamento di regalo, labamento di placa y abuso di su funcion.

Sospechosonan cu no a detene

Den e caso di Avestruz, tin algun sospechoso cu lo mester presenta, pero cu no a conoce detencion durante e investigacion di e caso. Ta trata aki di e comerciantenan Curt Harms, Carlo Mansur y Ewald Biemans. Ta acusa tur di soborno y corupcion cu tereno.

Den prome instancia a hiba 12 persona dilanti mesa berde, mientras cu tambe a duna opcion na e compania Pristin pa paga un multa pa evita di bay dilanti mesa berde. Di e 12 acusadonan, cinco a haya vrijspraak.

Pa relato amplio lesa TREMPAN.





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top