Connect with us

Hit and run: Pustamento riba highway y un persona inocente a resulta herida

Aruba

Hit and run: Pustamento riba highway y un persona inocente a resulta herida


A pidi presencia di polis na haltura di Eagle Resort band’i Sasakiweg pa un auto envolvi den un hit and run. Chauffeur di un Van EcoLed a resulta herida y su vehiculo a haya basta daño material despues cu a accidenta.

Algun testigo a declara di a presencia tur cos, cu dos auto tabata pustando y a pasa dal e van riba highway y sigui core bay manera nada un pasa. E chauffeur cu a resulta herida tambe a bisa cu el a wak e auto cu a dal e, a tuma su number pa asina e para responsible pa su acto.

Pa locual ta trata e autonan cu tabata pustando, tabata trata di un Nissan Tiida y un Toyota Altezza (A-72358 altezza blanco) cu a cuminsa pusta for di area di Mc Donalds na Noord direccion Playa. Na haltura di Eagle Resort e Altezza color blanco cu no tabata tin manera pa pasa e tiida a opta di dal den e van.

Consecuentemente a dal fuertemente den e van y a pone cu esaki a perde control y bay dal den baranca band’i caminda. Na final a bay para te den e greppelnan na haltura di Eagle Resort. E chauffeur tabata keha di basta dolor tanto na nek como na pia. A pidi presencia di ambulance mesora na sitio pa atende cu e chauffeur herida. Investigacion lo saca afo e chauffeurnan cu a ocaciona e accidente aki.





Source link

Click to comment

Leave a Reply

Your email address will not be published. Required fields are marked *

More in Aruba

To Top