Connect with us

Henoch Hernandez a ‘Recicla y Gana’ cu Balashi

Aruba

Henoch Hernandez a ‘Recicla y Gana’ cu Balashi


Henoch Hernandez ta prome ganado di e campaña ‘Recicla y Gana’, Hernandez a gana 250,- florin cash.

Tropical Bottling Company hunto cu Brouwerij Nacional Balashi ta invita comunidad di Aruba pa participa den nan campaña Recicla y Gana cu Balashi.

Ta facil pa participa n’e campaña aki, unda cu tin premio fabuloso. Entrega bo boter bashi di Balashi, Chill y Magic Mango automaticamente un persona ta participa pa gana premio cash.

Con pa participa?

Entrega bo boter bashi di Balashi, Chill y Magic Mango y colecta 20 cen pa cada boter bashi. Nan ta tuma solamente boter di cerbes local.

Duna nan bo number, fam y number di telefon.

Follow nan riba e plataformanan social – Tropical Bottling Company Aruba.

Tur dialuna, cuminsando for di 25 di october te cu 20 di december, Tropical Bottling Company hunto cu Brouwerij Nacional Balashi ta regalando 250 AWG Cash na un feliz ganado.

Tambe trece bo boter bashi y automaticamente participa p’e premio maximo, cu ta 2000 AWG Cash. Ken no kier gana e suma aki prome cu Pasco? Ta anuncia e ganado dia 20 di december 2021.

Tin tres caminda cu por pasa entrega e boternan. E tres camindanan cu tin pa pasa ta:

Carry Out BLVD:

Dialuna pa diabierna – 8:30 am pa 4:30 pm

Diasabra – 8:30 am pa 1 pm

Carry Out San Nicolas:

Dialuna pa diabierna – 8:30 am pa 4:30 pm

Diasabra – 8:30 am pa 1 pm

Balashi Brewery:

Dialuna pa diabierna di – 8:30 am pa 4:30 pm

Tin chens di gana mas cu un biaha y treciendo solamente un boter bashi, ya caba ta duna e oportunidad pa gana tur premio cash. Tropical Bottling Company y Brouwerij Nacional Balashi ta invita comunidad pa participa den campaña di Recicla y Gana. “Hunto nos por tene nos dushi isla limpi”.

Pa mas informacion tuma contacto cu nan libremente na 5858700.





Source link

Click to comment

Leave a Reply

Your email address will not be published. Required fields are marked *

More in Aruba

To Top