Hendrik Tevreden: Oposicion tin cu aporta na restitui norma riba nos pais

Fraccion di MEP a ripara cu fo’i oposicion, AVP a sali bisa cu nan ta contra di esaki. sinembargo den e reunionnan teni, parlamento por haci nan trabou di trece amienda, cual ta nifica cambia e cosnan cu kier cambia den ley, fraccion di AVP no a trece ningun punto di cambio, ningun aportacion.

Hendrik Tevreden, parlamentario di MEP, a indica cu nan ta mira cu e partidonan mas chikito den sala si ta aporta cu dialogo, discusion, debate pa por trece cambio den esaki. Landsverordening Normering Topinkomens (LNT) tin cu tuma luga, tin cu pasa pasobra ta un di e condicionnan p’e aparato gubernamental por haya bek su cinco porciento pa juli. Esaki ta den un debate ainda hunto cu Alexandra van Huffelen, Secretaria di Estado. Prensa mes a haya oportunidad pa haci cantidad di pregunta, di cual a haya contesta.

Falta ainda conseho di CFT pa finalisa esaki, segun e parlamentario. Asina ey diabierna proximo e parlamentarionan por tin un idea con esaki ta wordo regla, si of no. Parlamento ta sigui haci su trabou pa atende cu e ley di LNT. Ta bin pa trece algun cambio den e ley aki y ta deliberando e detayenan cu e sindicatonan e siman aki den parlamento. Asina ey pa splica nan kico fraccion di MEP ta trece como cambio y pa mira si por topa otro den esakinan.

E parlamentario ta di pensamento cu a pesar di tin e leynan aki riba mesa y tin di haya e conseho di CAft y Rijksministerraad, oposicion mester duna su aporte pa duna contribucion n’e normanan cu tin di restitui n’e pais. Ta di lamenta cu no ta haya cooperacion di nan.

Pa mas lesa TREMPAN.COM.