Connect with us

Hendrik Tevreden (MEP): Henter fraccion a vota segun nan consenshi pa Ombudsman

Caribe

Hendrik Tevreden (MEP): Henter fraccion a vota segun nan consenshi pa Ombudsman


Fraccion di MEP ta contento cu finalmente e proceso ta tras di lomba y por bisa cu finalmente henter e situacion aki ta tras di lomba. Y porfin e Ombudsman (vrouw den e caso aki) por cuminsa haci su trabou. Parlamento a scoge Jurima Bryson como nan candidato pa ocupa e puesto aki, cu 12 voto na fabor y 8 pa e otro candidato, cu ta Kathleen Paskel.

Presidente di Parlamento mr. Edgard Vrolijk na final a bisa di ta “feliz”, pasobra e tabata un proceso cu  hopi hende a perde speransa riba dje den e pais aki. Esaki tabata un concepto di ley cu ta data di 2004 entrega door di parlamentario drs. Mervin Wyatt-Ras. Na 2014 a entrega un concepto ley cu tampoco a esaki. Na 2021 a para e proceso pa yega na un Ombudsman y na aña 2022 a vota contra. Na aña 2023 a adapta e ley cu a inicia e proceso pa nombra un Ombudsman. E persona scogi Jurima Bryson, el a bisa, tin tur e cualidadnan pa ocupa e puesto. Si el a califica Bryson como un profesional hoben dinamico, cu lo por haci un diferencia.

Aunke cu tur 11 parlamentario di e fraccion di MEP a vota pa e mesun candidato, e lider di fraccion Hendrik Tevreden ta nenga cu tabatin un palabracion of a haya un stemadvies riba cual candidato mester vota. Tur hende, el a bisa, a vota segun nan consenshi. Y mester remarca cu pa casualidad tur hende a vota pa Bryson.

“Aruba tin su Ombudsman cu a cuminsa for di 2004. Pues despues di 20 aña parlamento a yega na e punto pa nombra e Ombudsman.”

El a splica cu e comision consistiendo di representantenan di Hof, Conseho Consultativo y Contraloria General, a presenta tres candidato cu tabata cualifica pa ocupa e puesto. Tur tres tabatin e calificacionnan necesario. Cualidad, experiencia y habilidad pa ta un Ombudsman.

Segun e parlamentario, nan a scoge pa un persona dinamico y esun mas hoben. Un persona di San Nicolas.

El a recorda cu e Ombudsman tin un tarea dificil “pasobra tin biaha bo lo tin cu bay contra goboerno, presenta cosnan cu ta dificil. Y den un comunidad hopi politiza e lo por ta hopi fastioso p’e cu su famianan. Semper tin opinion diferente. Haci e trabou segun consenshi, pa tur cu yega na su porta pa solucion, cu e por brinda e ayudo cu nan mester.”

Si el a lamenta cu un candidato a hala su candidatura aden, despues cu parlamentario Mansur a haci uzo di informacion confidencial duna den CHA (comision di asuntonan interno di Parlamento). El a bagatelisa Croes kende ta manda carta pa presidente di parlamento informando su decision pa hala atras.” El a agrega cu e screening di Croes tabata limpi limpi. P’esey e ta lamenta cu Mansur a lastra un profesional di un forma no etico.

Pa relato amplio lesa TREMPAN.





Source link

More in Caribe

A2Z ADMINISTRATION

AD

To Top