Connect with us

Hendrik Tevreden contento cu su bishita na Fatima College

Aruba

Hendrik Tevreden contento cu su bishita na Fatima College


Parlamentario Hendrik Tevreden a haya invitacion pa presenta na Fatima College en conexion cu apertura di siman di buki. E tema pa e aña aki ta, Ta loke bo kier ta!

Un tremendo tema cu ta permiti e muchanan cuminsa enfoca di awor caba riba nan profesion pa futuro. Tur mucha por bira loke nan kier bira, si nos percura pa yuda nan segun Tevreden. 

“Semper e ta special, pa bishita e scolnan den mi bario stima Dakota. Sea ta pa yuda nan verf scol, of pa celebracion, semper e ta un honor pa sostene nos muchanan, parlamentario Tevreden a remarca”. E mainta aki, na e apertura di siman di buki, mi por a mira con e muchanan a briya di mira cada profesion presente. Piloto, bombero, paramedico y asistente di ambulance. Sin lubida e maestronan y tambe parlamentario. Den algun di e klasnan tabata tin algun mucha cu kier bira deportista profesional tambe. 

Fatima College tur aña ta sigi crece, danki na e dedicacion di tur e maestronan y sin duda su cabesante, meneer Richardson cu a bin ta traha duro pa logra hopi cos pa su scol. Aña escolar pasa, cu ayudo di ministro presidente, nos a logra pa DOW asfalta ful e tereno di scol pa asina e muchanan por a habri aña escolar aki cu speelplaats completamente asfalta. Awor e muchanan por hunga masha dushi riba e speelplaats sin tin cu precupa pa trompeka den buraco. 

Ta un placer di por mira esaki wordo realisa y sigur nos lo sigi brinda apoyo na tur nos scolnan na Aruba y sin duda esnan di mi bario, Dakota tur dia. 

Mi ta desea tur muchanan un felis siman di buki y pa nan probecha lesa tur e bukinan di nos diferente autornan local cu ta riba mercado. Mayornan corda pa toca e tema cu bo yiu di ‘ta loke bo kier ta’ pa asina di awor caba nan por stipula nan meta pa logra e profesion cu kier. 

Parlamentario Tevreden ta recorda mayornan cu te cu dia 12 di november tin exposicion di festival di buki pa muchanan na biblioteca San Nicolas y Oranjestad sin lubida e benta di buki segunda mano na bon prijs pa e muchanan. Lesamento ta hopi bon, laga nos kita e muchanan un poco di e “screen” y siñanan pa goza di un tremendo buki. “Haciendo esaki nos ta contribuyendo na nan futuro”, Tevreden a termina bisando.





Source link

Click to comment

Leave a Reply

Your email address will not be published. Required fields are marked *

More in Aruba

To Top