Connect with us

HENDENAN DI 80 AÑA I ARIBA FOR DI 27 DI NOVÈMBER 2021 NA BÙRT PA UN BOOSTER SHOT

Caribe

HENDENAN DI 80 AÑA I ARIBA FOR DI 27 DI NOVÈMBER 2021 NA BÙRT PA UN BOOSTER SHOT


Kralendijk – For di djasabra 27 di novèmber 2021, siudadanonan di 80 aña i mas bieu por haña e booster shot, e angua di refuerso pa hisa resistensia kontra e vírùs di corona. E angua akí ta duna hende protekshon èkstra kontra e vírùs. Serka hendenan di 80 aña i mas bieu, e protekshon ku e bakuna ta duna ta baha mas lihé despues di un tempu. P’esei nan ta promé na bùrt pa pasa e angua akí. For di djaluna 22 di novèmber, hendenan di riba ochenta aña por yama 0800 0900 pa un sita.

E departamento di Salubridat Públiko mes ta tuma kontakto ku kasnan di kuido pa traha sita pa hendenan grandi ku por haña e booster shot. Nan ta yama tambe hendenan ku den pasado a pasa angua na kas pa traha un sita pa e booster shot.

For di 4 di desèmber 2021, habitantenan den e grupo di edat di 70-80 aña por haña e booster shot. E grupo di 60 pa 70 aña for di 18 di desèmber 2021 ta na bùrt. Trahadónan den kuido tambe ta haña posibilidat pa haña e booster shot na desèmber. Lo anunsiá detayenan despues.

Tin kondishon pa pasa e angua di refuerso akí. Un persona por pasa e angua akí, si mas ku seis luna pasá el a pasa e di dos angua kontra corona. Un hende ku a haña corona despues di e di dos angua, mester warda por lo ménos seis luna for di e momento di e kontagio.

For di djaluna 22 di novèmber 2021, tur hende riba 60 aña por yama 0800 0900 pa traha un sita pa e angua spesial akí. No ta posibel pa pasa e angua aki sin sita riba djasabra na Kompleho Deportivo Jorge Nicolaas. Bo ke sa mas tokante e booster shot? Yama 0800 0900 e ora ei durante ora di ofisina.

Siudadanonan ku no a pasa e promé i di dos angua di corona ainda, por hasi esei ainda sin sita riba djasabra di 09:00 – 14:00 na Kompleho Deportivo Jorge Nicolaas.






Source link

Click to comment

Leave a Reply

Your email address will not be published. Required fields are marked *

More in Caribe

To Top