Connect with us

Hende lo duna cuenta riba e dia di huicio di cada palabra

Aruba

Hende lo duna cuenta riba e dia di huicio di cada palabra


Hesus a bisa den Mateo Capitulo 12 vers 36: Y Ami ta bisa boso cu hende lo duna cuenta riba e dia di huicio di cada palabra bano (malo) cu nan papia. Pasobra segun bo palabranan lo bo  wordo hustifica y segun bo palabranan lo bo wordo condena.

Ora Hesus bisa algo ta bon pa nos tene cuenta cune pasobra Hesus ta nos abogado dilanti di Dios, ta Hesus a muri pa pordon di nos picanan, ta solamente E ta nos Salbador, no tin salbacion den ningun otro nomber cu no ta den e nomber di Hesus.

Awor nos ta bibando den un tempo, cual nos a wordo avisa di dje, den 2 Timoteo Capitulo 3 vers 1-9 cual ta temponan  trabahoso. Y ora nos sa  cu nos ta den tempo trabahoso,  ta pa nos evita den tur forma pa nos cas y nos famia ta envolvi  , y pa nos  tin temor di Dios.

Ora bo tende cu mal tempo  ta na caminda, bo mester cuminsa wak drechi di bo shelter y cual ta bo shelter den e tempo trabahoso, e Nomber , e Sanger, y e Poder di Hesus Cristo nos Señor.

Tin un trent na moda, cual ta bay asina lew pa papia malo,insulta,maldiciona, falta respet, instiga, provoca, dividi, molestia, abuso di poder, menosprecio ,arogancia, orguyo  ,rebeldia , traiciona, rebaha, kibra, inhusticia,discrimina,y mas cu tur cos rechasa e berdad di Dios.

1n61aa352fb71025.50626809

Tene na cuenta cu tur esakinan ta bini for di e reino  di e malbado. E tata di mentira.( Juan 10:10 ).

Awor hopi hoben ta cay den e trampa aki y a perde control  den nan vocabulario, pasobra ta deber di tur mayor pa instrui nan yiu pa controla nan vocabulario.

Ora bo desea malo pa un hende y si bo no arepenti, e cos aki ta un actuacion grave dilanti di Dios.

Pasobra hopi hende no ta kier acepta, cu un dia lo nan tin di duna cuenta na Dios , di tur locual nan a papia y haci , y esaki tambe ta conta ora bo familiarisa bo mes cu mentira, of di un forma bunita bisa bo ta tarda pa papia e berdad. ( Romanonan capitulo 14 versiculo 12+13)

Como mayor nunca bo por desea malo pa ningun hende den bo famia, ni sikiera pensa den e direccion, pasobra Señor conoce tur curazon y tur pensamento.( Salmo 94 vers 11)

Bisa Señor lo siguiente: Laga bo compassion bin riba mi pa mi por biba,pasobra Bo ley ta mi delicia. Laga mi curazon ta perfecto den Bo statutonan pa mi no keda brongosa.( Salmo 119 vers 77 +80).

Salmo 19 vers 13+14 ta para scirbi: Tambe warda bo sirbido pa picanan di arogancia, no laga nan tin dominio riba mi, e ora ey lo mi ta perfecto, y lo mi ta liber di transgreshon grandi .

Laga e palabranan di mi boca y e meditacion di mi curazon ta aceptabel den bo bista  O Señor mi Baranca y mi Redentor.

Un hende husto ta cana den su integridad, y su yuinan lo ta bendiciona despues di dje (Proverbionan 20 vers 7).

Tene bon cuenta cu bo palabranan. Sinceramente Pastor Marcel Balootje.





Source link

Click to comment

Leave a Reply

Your email address will not be published.

More in Aruba

To Top