Connect with us

Heintje Ras y Fundacion Pro Cultura ta organisa ‘cake sale’

Aruba

Heintje Ras y Fundacion Pro Cultura ta organisa ‘cake sale’


Heintje a logra pasa mita di su hazaña riba 21 di november ultimo. E ta dunando underground tours na turista y nos hendenan local. Entre mas e tempo ta pasa mas ta e retonan cu Heintje ta confrontando cu su mes den e mina, pero danki na Dios, su yiunan y tur hende cu ta cerca di Heintje ta dun’e forsa pa sigui dilanti pa su meta di 100 dia.

Heintje su meta ta pa logra haya fondo financiero pa cuminsa cu un Mega Museo di Antigüedad pa asina e por expone tur loke el a colecta durante 15 aña. Nos tur por forma parti di e logro aki, ora cu nos contribui na su hazaña door di bay haci underground tour pa awg 12.50 pa persona of door di haci donacion pa e logra esaki.

Diadomingo awor Fundacion Pro Cultura Aruba ta organisa un Cake Sale na Mina di Fosfato entre e horario di 10or am te cu 2 or pm y mientras cu tin, lo sigui bende pa asina yuda Heintje den su hazaña.  Cada cake box lo tin un costo di awg 5,= . Mientrastanto tambe Heintje ta continua mientrastanto cu su underground tour te cu 6:00 pm.

Pues nos kier invita tur esnan cu ainda no a yega Mina di Fosfato pa haci boso underground tours diadomingo awor entre 11:00 di mainta pa 6:00 di atardi  cu contribuicion di awg 12.50 pa persona y alabes pa cumpra boso baki di bolo pa solamente awg 5,= pa baki tanten cu tin. Tur recaudación financiero ta bay pa e meta di Hazaña Mega Museo Heintje Ras.

Manera nos Papiamento crioyo ta bisa: “ bin trempan pa bebe  awa limpi” y yuda Heintje logra su meta.

Nos kier a yama danki caba na Fundacion Pro Cultura Aruba pae incitiva aki y alabes nos kier a yama danki na Jhonson & Jhonson’s, 520 Home Sweet Home, Kamini’s Kitchen y  Aruba Airport Authority pa nan donacion y/of contribuicion na e Hazaña Mega Museo. Nos ta conta riba sosten di nos hendenan y compania local pa yuda Heintje yega e meta pa Aruba tin su Mega Museo na Aruba y esun mas grandi den Caribe.





Source link

Click to comment

Leave a Reply

Your email address will not be published. Required fields are marked *

More in Aruba

To Top