Connect with us

Health Fair enfoca riba diabetes lo tuma luga e weekend aki

Aruba

Health Fair enfoca riba diabetes lo tuma luga e weekend aki


Den conexion cu dia mundial di diabetes, esta dia 14 di november Praktijkondersteuners Huisartsenzorg lo bay tene ful un fin di siman cu un Health Fair na Drive In. Segun Jasmira Mora, coordinado di POH a splica cu aki nan lo bay brinda test di presion y sucu completamente gratis. Tambe fundacion CVA lo bay tuma peso y lo check cintura tambe, ya cu ambos ta importante tambe pa tin informacion riba nan relaciona cu diabetes. “ora cu bo tin vet…esaki por contribui cu den futuro bo ta haya diabetes”.

Fuera di esaki Mora a splica cu POH no ta enfoca solamente riba e parti control so, aunke esaki ta di suma importancia pasobra ‘meten is weten’ pero tambe nan kier concentra riba nutricion, ta bay tin algun tent cu cuminda saludabel y tambe tin un parti di movecion den cual diferente grupo lo haci demostracion di actividad y tambe lo bay tin un seccion dedica na salud mental. Pues lo bay enfoca riba varios aspecto cu tin di haber cu salud.

Tambe lo bay tin miembro di POH canando rond cu lo bay provee informacion riba kico por haci na cas of manera mas economico pa come saludabel. Mora a splica cu lo bay duna varios tip di con pa hiba un bida saludabel y con pa logra esaki den bida diario.

Diasabra awo dia 13 di november e feria di salud lo tuma luga for di 8:00 am pa 2:00 pm y diadomingo dia 14 di november lo bay tin e walk & run di Botica di Servicio y aki tambe henter famia por participa. Lo bay tin careda di dies kilometer, ta bay tin Run & Walk di cinco kilometer como tambe e ‘Kids Run’. Asina Mora ta invita un y tur pa subi e Facebook page di Botica di Servicio pa por registra pa esakinan. Esaki ta posibel te cu diabierna.





Source link

Click to comment

Leave a Reply

Your email address will not be published. Required fields are marked *

More in Aruba

To Top