Connect with us

HCLF ta tene tayer di “Express Yourself: Master Your Communication Skills” pa hoben

Caribe

HCLF ta tene tayer di “Express Yourself: Master Your Communication Skills” pa hoben


Impact Days plus coaches

Heart-Centered Leadership Foundation (HCLF) ta entusiasma pa anuncia nan siguiente tayer pa e hobennan cu ta enfoca riba desaroyo di habilidad esencial di comunicacion. E tayer tin como meta pa empodera hobennan cu tecnica practico di comunicacion door di diferente actividad interactivo. Durante e sesion, lo enfatisa e importancia di scucha activamente, expresa pensamento claramente y comunica efectivamente den diferente contexto.

E tayer ta diseña pa yuda hoben mehora nan habilidadnan di comunicacion, cu ta esencial pa exito na scol, relacion familiar y cu amistad, y futuro carera. Esaki ta un tremendo oportunidad en preparacion pa e aña escolar nobo, unda e hoben por cuminsa su aña miho ekipa. Den un sesion interactivo, e participantenan lo siña tecnica pa mehora nan comunicacion interpersonal y stimula nan autoestima. Tambe lo cubri tecnica pa resolve conflicto, yudando hoben maneha y resolve desacuerdo na un manera efectivo y positivo. Ademas, nan lo tin e oportunidad di conecta cu otro hoben, creando amistadnan nobo.

Impact Days plus coaches

E ambiente cu HCLF semper ta crea ta uno interactivo y cu ta brinda sosten na hobennan, cual ta haci e experiencia mas agradabel pa siña y desaroya.“E tayer aki ta ofrece hobennan un oportunidad unico pa cultiva habilidad necesario di comunicacion”, a remarca Deanna Lampkin, trahado hubenil na Heart-Centered Leadership Foundation. “Comunicacion efectivo ta sumamente importante pa haci conexion significante, expresa bo pensamento cu confiansa, y maneha diferente situacionnan social y profesional bon.”

E tayer aki lo tuma luga diasabra, 20 di juli 2024, di 1:30 pm pa 3:30 Pm na Kiwanis Club of San Nicolas (situa na e piso ariba di Botica San Lucas na San Nicolas). E mayor-, familiar-, docentenan y demas comunidad ta invita pa comparti e tayer aki cu e hobennan.

Cupo ta limita. Participacion ta gratis pero registracion ta necesario. Pa registra of pa mas informacion, por tuma contacto cu e fundacion via whatsapp na 5841211. Por bishita Heart-Centered Leadership Foundation su facebook page tambe pa e link directo pa registra.

Tocante HCLF
Heart-Centered Leadership Foundation (HCLF) ta un fundacion cu a keda estableci na 2008 cu e meta pa inspira y empodera hobennan di Aruba. Desde 2012 e fundacion ta ofrece diferente tayer, actividad y seminario unda hobennan ta haya oportunidad pa desaroya nan caracter y habilidadnan cu ta fortifica nan desaroyo personal y profesional.





Source link

More in Caribe

A2Z ADMINISTRATION

AD

To Top