Habitante a pega sushi na candela cu a bira grandi den cura na Tamarijn

Diaranson anochi habitante di Tamarijn a reporta na Centro di Alarma 911 cu tin un candela grandi di mondi pega cu un cas den mondi, di biaha a despacha unidad di brandweer.

Na yegada di e prome unidad di bombero a topa cu e candela ta grandi y di sushi den cura di un cas. E habitante lo a pega cosnan bieu di cas na candela, bomberonan a domina e candela di biaha. Polis tambe a presenta pa mira e situacion.