Connect with us

Gobierno ta stop cu ayudo di FASE fin di e luna aki

Aruba

Gobierno ta stop cu ayudo di FASE fin di e luna aki


Posted on 11/9/2021 5:48 pm AST | Updated on 11/9/2021 5:50 pm AST

ORANJESTAD – E ayudo di FASE ta bay stop fin di e luna aki. Asina minister di asuntonan social Rocco Tjon a informa diamars durante un conferencia di prensa. April di 2020 a cuminsa cu e ayudo aki, unda cu na comienso tabatin 10777 persona hayando e ayudo di 950 florin mensual, mientras cu pa luna di October ultimo, e cantidad a baha te na 2700 persona. Pero lo tin un fase transitorio, y forma parti di un programa nobo ‘Aruba ta Traha’ anuncia tambe diamars. E ultimo dia pa aplica pa e FASE pa e luna aki, ta diaranson 10 di November 2021.

ARUBA TA TRAHA

Segun minister di Labor Glenbert Croes, e la elabora riba e parti transitorio pa esnan cu ta hayando FASE, y cu awor ta bay den e parti transitorio yama ‘Aruba ta Traha’. Segun sr Croes, e intencion ta pa pone hende bek na trabou, y esaki ta e programa cu tin cu yuda e personanan cu FASE cu ainda no por haya trabou den e ramo cu nan tabata aden. Ta trata di e prome 500 personanan mas den necesidad cu lo sigui cursonan ofreci pa gobierno, pa asina haci ‘job matching’, y asina yuda cu e proceso di her, bij y omscholing di e persona cu ainda no tin trabou, mientras cu e ta buscando su ‘dream job’. 





Source link

Click to comment

Leave a Reply

Your email address will not be published. Required fields are marked *

More in Aruba

To Top