Connect with us

Gobierno sin vision y sin plan: Pueblo tin cu bisti un corset mucho preta

Aruba

Gobierno sin vision y sin plan: Pueblo tin cu bisti un corset mucho preta


Diamars dia 29 di maart a inicia cu tratamento di presupuesto di aña 2022 di pais Aruba. Segun Mervin Wyatt-Ras, gobierno a haya un dikke onvoldoende for di Raad van Advies pa e presupuesto aki. E presupuesto a yega 5 luna laat. Raad van Advies y CAft ta cuestiona gobierno pa esaki. E fecha di entrega mester ta: uiterlijk op de eerste september van het voorgaande jaar”.

CAft ta indica alabes cu pa un bon maneho financiero gobierno mester entrega jaarrekeningen na tempo. A haci peticion pa gobierno entrega jaarrekeningen 2019 y 2020 no mas tarda cu 31 di Augustus 2021 y pa aproba nan 31 augustus 2021. Gobierno no a cumpli. Tanto cu a grita manera alma malo den pasado. Awor aki e gobierno aki mester a “Walk su Talk”.

Den cuadro di palabracion entre Aruba y Hulanda e landenpakket lo duna direccion na maneho di gobierno y tambe maneho di presupuesto (Pag. 5). Pesey si bo wak presupuesto 2022 no tin mucho di maneho, vision ni proyecto concreto. Pasobra practicamente ta e ambtenaarnan Hulandes ta goberna Aruba. Ademas diferente ministerio ta overlap otro. P.e. pa loke ta trata integridad tin 2 ministerio encarga. Raad ta mira cu esaki ta trece inefficiencia den uso di medionan y tin falta di meta. Un minister por skonde tras di otro.

Wyatt-Ras ta haya comentario di pueblo kico gobierno ta haci, drumi of traha? Tin hopi friends and family ta cana boks cu otro den Cocolishi. Un cos si gobierno ta balente pa haci, esta pa hala diferente directornan un banda pero e caso di fraude den nan nanishi mes ta cera wowo y wak otro banda. Aki por menciona e vacuna gate.

Gobierno ta yora cu no tin placa y pueblo mester entrega pero kier lanta un cantidad di “overheidsonderdelen, raden, directoraten” y no ta indica den “memorie van toelichting” ken lo traha na e entidadnan aki. No ta splica tampoco den “detailtoelichting per dienst op kosten en middelensoort”. Ni den “personeelsbezetting”. 

1n624d9f3febc176.97194594

A critica mega debe di gobierno di AVP pero a crea GIGA debe, paso a busca sosten di liquides sin baha gasto di goederen en diensten. En cambio e post di goederen en diensten a subi en comparacion cu anja 2020 su 43.5 miyon y en comparacion cu 2021 cu 27,5 miyon florin.

Gobierno di AVP a haci debe pero bo por wak unda e placa a bai. E.o. A duna pueblo reparatietoeslag y schoolkinderentoeslag, a drecha infrastructura, HOH, skol, vivienda social y bibliotheek. A traha speeltuinen, a lanta IBISA pa prevencion di obesitad, a empleado trahadornan social na skol y praktijkondersteuners pa mehora cuido den eerste lijn. A pasa ley di leerplicht, a introduci formacion social y hasta a hisa e castigo pa defende muchanan victima di abuso sexual.

Segun Wyatt-Ras e contexto den cual ta trata presupuesto 2022 ta un Aruba den cual hopi ciudadano a perde trabou, ta sin entrada of no tin entrada suficiente. Prome cu COVID ya caba ciudadano tabatin menos placa den nan cartera, no por a pone pan riba mesa di nan famia, tin debe, no por paga awa, coriente, cas, telefoon, auto, ni gasoline di cual prijs a subi. Tin di nan a perde nan pertenencia, sea cas of auto. Riba dje tin cu paga mas pa recohemento di sushi y un djies pa skol di nan yiunan y hasta prijs di pan lo subi. Tambe cu e presupuesto lo introduci BTW di 16%. Esaki lo hisa tur prijs mas ainda.

1n624d9f3fedb106.36237162

Ademas nos pueblo lo sufri ora introduci eigenbijdrage di pashent ora di bay specialista, huisartenpost, spoedeisende hulp, busca remedi y haci test di laboratorio. Stakeholders den cuido den nan carta fecha dia 14 di februari 2022 ta trece padilanti cu e eigenbijdrage aki lo conduci na cuido di clase (klassezorg). Esnan cu si por paga lo haya cuido. E austerisacion di positieve lijst di remedi lo afecta salud di nos cuidadanonan mas ainda. Mientrastanto gobierno no kier duna trahadonan gubernamental y semi-gubernamental e 12.6% cu gobierno a kita como e palabracionnan cu Hulanda sin consulta cu gremio. Un suma cu di buena fe e empleadonan a contribui cun’e como solidaridad cu pueblo. E problemanan financiero di famianan tin su impacto riba nan estado emocional y social, paso ora tin menos placa den cartera y tin debe, ta cuminsa discucion den pareha, yiunan ta mira esey y por protesta mientras cu mucha stoma bashi no por sinja bon. Hunto cu e medidanan den cuido por bisa cu awor si nos ta den crisis financiero, social y di salubridad cu tin un nomber y fam. Evelyn Wever Croes.

Ora Evelyn Wever-Croes  a firma e Landspakket sin consulta cu pueblo el a entrega nos autonomia, hincando nos den debe grandi di 1.3 biyon a cambio di ayudo di liquides. Landspakketen ta encera medidanan financiero cu pueblo lo mester paga un tras otro. Ta obvio cu esaki ta un gobierno sin curason, sin empatia, sin stimacion berdadero pa nos pueblo.

Di otro banda placa tin. Tin placa paso e post di goederen en diensten sigui subi. CAft ta constata cu e post di goederen en diensten a subi cu 43.5 miyon den comparacion cu realisacion di 2020. Tambe tin placa pa nombra mas Bff’s, family hasta extended family y pa fiesta y gosa. Kiermeen tin placa pa cumpra material, come lobster, fiestanan, viahenan, autonan di luho den cual hasta casa y byside ta core. Pa sali na vanguardia di nos pueblo e lider di fraccion di AVP mr. Mike Eman a entrega un presupuesto alternativo. Paso nos fraccion no ta critica so pero ta aporta na solucion. E presupuesto aki lo e trece alivio pa trahadornan pa haya nan 12.6%, SKOA pa por evita subidad di schoolgeld y pa mantene werksters na trabou, tambe pa evita evita eigenbijdragenan dor di duna un landsbijdrage y tambe yuda nos famianan cu tin yiunan cu limitation, sea fysico y mental di 0-16 anja pa na por haya a base di ampliacion di e landsbesluit maatschappelijke zorg un suma di sosten mensual. Lamentablemente e presupuesto alternativo no a ser sosteni dor di miembronan di parlamento di coalicion. E presupuesto 2022 a ser aproba cu 1 voto so mas cu oposicion. Banda di e presupuesto tabatin 2 mocion di desconfiansa entrega contra di e minister presidente ganjado cu no ta cumpli cu pueblo y contra minister Glenbert Croes pa entre otro su intransparencia den gobernacion (LNG). 





Source link

More in Aruba

To Top