Connect with us

Gobierno: Plan Nacional di Prevencion lo fiha rib’un miho calidad di bida pa nos hendenan

Aruba

Gobierno: Plan Nacional di Prevencion lo fiha rib’un miho calidad di bida pa nos hendenan


P’e siguiente cuater aña lo bay ta ehecucion, implementacion di e Plan Nacional di Prevencion. Mas y mas lo tin cu inverti den prevencion di salud di nos hendenan. Por mira cu ta bibando den tempo di embehecimento.

Durante conferencia di prensa di gobierno diabierna mainta, Minister di Salubridad Publico y Turismo, Dangui Oduber, a comenta di por constata cu e comunidad di Aruba no ta esun di mas saludabel. Gasto di AZV ta subi continuamente y e proyeccion ta cu lo keda subi. tin cu enfoca, no solamente riba e parti curativo, pero mas y mas riba e aspecto preventivo. Ta p’esey tambe durante e prome gabinete Wever-Croes I, a prepara un plan nacional di salud, hunto cu Departamento di Salud Publico y un stuurgroep, sosteni pa Panamerican Health Organization. Den luna di februari 2020, net prome cu e pandemia a cuminsa, a lansa e plan nacional di prevencion aki oficialmente.

E plan tabata yama ‘National Multisectoral Action Plan for Non-Communicable Diseases 2020-2030’. Ta un plan lansa mas cu un aña pasa. Intencion e momento ey ta pa bay implementa y ehecuta esaki. Pandemia a pone cu mester a re-enfoca e atencion. Mester a enfoca con lo maneha e pandemia. Con ta percura despues pa busca solucion cu tabata e vacuna. Awo ta mas cu necesario pa bay sigui riba implementacion di e plan aki.

Vision cu a pone pa e plan aki tabata pa tin un Aruba cu tur hende tin un bida mas saludabel, un miho calidad di bida, liber di malesa cronico y e peach lo ta uno holistico cu ta enfoca riba cambio sostenibel di comportacion di nos ciudadanonan.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top