Connect with us

Gobierno a pone un miyon florin extra disponibel pa SKOA

Aruba

Gobierno a pone un miyon florin extra disponibel pa SKOA


Presupuesto di Ministerio di Enseñansa a keda aproba e siman aki den Parlamento di Aruba y Minister di Enseñansa a pone SKOA como un prioridad halto riba agenda y a pone extra placa disponibel.

Minister di Enseñansa, Endy Cros, a indica cu e ta desea pa yega na un solucion structural pa e problematica di werkster, cu tin varios aña caba ta andando. Pero ta na mesa y mester duna espacio pa ventila tur idea pa tur yega na otro. E punto di salida ta duidelijk.

Gobierno a duna di su parti, SKOA y Obispado tambe ta riba e mesun liña den esey. Lo mester busca e ‘draagvlaak’ di henter e field un rato, pa loke ta encera e parti aki. 

Gobierno a pone un miyon florin extra disponibel, hustamente pa e dos componentenan aki: no kita e werksternan y no aumenta schoolgeld. 

Si yega na un acuerdo di locual ta ariba mesa y SKOA ta di acuerdo cu e negocacionnan ta bayendo, e carta cu lo tin cu sali, ta locual cu a sali den e ultimo añanan. 

Obispado (Iglesia Catolico) ta para pa enseñansa, pa trankilidad. Den e ultimo añanan, tanto SKOA y SPOA, ta den luz negativo den prensa, cu no ta na nan (Iglesia Catolico) agrado. Nan ta boga hopi pa bin cu solucion. 

Mas aleu, e mandatario a bisa cu el a splica Obispado di e plannan di gobierno y nan ta hopi contento cu e manera con ta acerca y maneha e problemanan, pa soluciona nan, na e manera structura.





Source link

More in Aruba

To Top