Connect with us

Glenbert Croes ta para ariba di no a haya contract pa lesa

Aruba

Glenbert Croes ta para ariba di no a haya contract pa lesa


Minister di Energia Glenbert Croes tabata presente den parlamento pa atende cu e reunion riba e contract entre WEB y Eagle LNG. Proposito di e reunion aki tabata pa nan duna tur informacion legal cu nan por a duna. E mandatario a indica cu su persona mes no a mira e contract aki, pero a informa cu el a pidi pa duna e contract na parlamento.

Croes a expresa cu tin hopi contract cu su persona no a mira di Elmar ni WEB. El a indica cu e contract di refinanciamento di 700 miyon florin cu Utilities a haci e no a mira nunca. Incluso di EcoGas e no a mira nunca. Tin hopi contract cu e N.V.s di gobierno ta firma. Desde cu a haci departamento di gobierno den N.V. pa para riba nan mesun pia, tabata pa gobierno hala atras.

E discusion riba contract pa tempo largo, mester bin un structura unda tin di pone e gobernantenan concerni na altura. E ta haya cu esey ta un discusion super valido. El a bay riba e contractnan di hospital pa 32 aña, APA, Astec pa 22 aña, e contractnan di EcoGas, esun di Watty Vos Boulevard y Odinsa, unda cu hasta e perdedo di bit ta haya un miyon florin pa su gastonan. E discusion di contract pa termino largo pa bin na evaluacion ta super valido, pasobra kier pa pone tur riba un rij y mira cua ta bon of malo pa Aruba.

E mandatario ta para tra’i e proyecto aki, pasobra e ta yuda stabilisa prijs di awa y coriente cu ta na e nivel di awe, no obstante cu e ta gehedge. Prijs di crudo ta mas halto y e gehedge ta caba 31 di december. Otro aña ta bay tin presion, al menos cu crea oportunidad di hedge exitosamente pa prijs di awa y coriente sigui abou, no subi nan na nivel di prijs internacional di crudo. E proyecto di Eagle LNG cu cooperacion di RdA pa suministra WEB cu gas lo dura den ehecucion. Bisando esey, despues di dos aña lo cuminsa uza esaki.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top