Connect with us

Glenbert Croes cu pleno confiansa den negociacion di WEB Aruba N.V. y Eagle LNG

Aruba

Glenbert Croes cu pleno confiansa den negociacion di WEB Aruba N.V. y Eagle LNG


Den un conferencia di prensa cu a tuma luga diamars merdia, Minister di Labor, Energia y Integracion Glenbert Croes a splica detayadamente e plannan di e proyecto LNG (liquefied natural gas). Tabata december 2020 ultimo cu Refineria di Aruba a firma acuerdo pa facilidad di gas cu Eagle LNG. 

Esaki segun minister Croes, ta di suma importancia pa pais Aruba y diamars a anuncia cu tin un acuerdo entre WEB Aruba N.V. y Eagle LNG pa loke ta trata suministro (supply) di gas. Aki Eagle LNG lo bay inverti un cantidad grandi di placa, alrededor di 200 miyon florin den infrastructura pa por ricibi e LNG aki na Aruba. Kico esaki ta nifica pa Aruba? Pa WEB Aruba N.V. e lo nifica un fin na e uzo di ‘heavy fuel oil’. Segun Croes a sigui splica, tur esaki ta di importancia vital lo e conduci na proteha nos medio ambiente y stabilisa nos tarifa di awa y coriente y tambe percura pa yuda WEB  traha cu energia mas limpi y a cambio, esaki lo yuda nan enormemente cu gasto di mantencion.
Pa loke ta e inkietud den parlamento pa loke ta trata e proceso y transparencia di e proyecto aki, minister Croes a bisa cu e tin pleno confiansa den e negociacion di WEB cu Eagle LNG, asina respetando e autonomia como parti e corporate governance code di WEB Aruba N.V. y cu como minister di energia lo e duna parlamento tur documento cu ta coresponde esaki. “Mi ta convenci cu loke nos a logra di introduci LNG como e fuel pa WEB Aruba N.V. ta un logro grandi”. 
Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published.

More in Aruba

To Top