Connect with us

Gerstenbluth: Aruba a maneha su reapertura di frontera durante Covid19 hopi bon!

Aruba

Gerstenbluth: Aruba a maneha su reapertura di frontera durante Covid19 hopi bon!


Gerstenbluth: Aruba a maneha su reapertura di frontera durante Covid19 hopi bon!

Posted on 12/2/2022 11:26 am AST | Updated on 12/2/2022 11:28 am AST

ORANJESTAD – Aruba a haci un bon trabou pa cu Covid19, door di habri (su frontera) mas tempran cu otronan, y maneha su situacion corecto. Asina e epidimiologo di Corsou drs. Izzy Gerstenbluth a bisa di e forma con Aruba a maneha e pandemia ultimo dos añanan. E experto riba e tereno tabata den e programa ‘Noticiacla LIVE’ diahuebs y a toca e tema di Covid19 entre temanan trata. Segun Gerstenbluth, compara cu Corsou y otro islanan, Aruba a opta pa habri mas tempran pa bishitantenan drenta despues di e lockdown inicial na 2020, debi na e situacion di e isla, esta un isla cu tabata depende 100% di turismo.

REACCION LIHE

“Aruba a hacie un poco mas distinto y a reacciona mas lihe pa baha medida y laga hende drenta mas lihe” Gerstenbluth a sigui bisa. Y e ta compronde e accion ey. “Pasobra si bo wak e economia di Aruba, riba kico e ta draai, ta hopi di focus riba turismo y vooral turismo mericano”, Gerstenbluth a sigui bisa. “Anto si bo ta cera e cos ey un biaha total, naturalmente e efecto riba bo poblacion ta inmenso” Gerstenbluth a continua bisando. Mes momento e decision di Aruba no a stroba Corsou pasobra e ta compronde e approach diferente di cada isla pa cu e pandemia. Ademas e ta mustra cu e approach no tabata mucho distinto. “Pero cierto cosnan a bay na un otro rapidez. Y bo ta compronde dicon” Gerstenbluth a splica. “Bo uitgangs posicion tabata otro. Anto e necesidad di actua asina lihe na Aruba tabata grandi” e experto a admiti. “E manera cu Aruba a reacciona y kico nan a haci pa buta e cos in place pa toch por atende cu e asuntonan cu mester a atende, eigenlijk ta hopi bon” Gerstenbluth a sigui admiti. “Den un temporada hopi lihe nan a buta cosnan in place pa toch nan por laga hende bin y toch purba lo maximo, controla kico e negative effect nan lo ta” Gerstenbluth a finalisa bisando. 





Source link

More in Aruba

To Top