Connect with us

Gerlien Croes: Minister-President ta promove 300 camber di hotel mientras ELMAR no por garantisa coriente stabiel p’e pueblo

Caribe

Gerlien Croes: Minister-President ta promove 300 camber di hotel mientras ELMAR no por garantisa coriente stabiel p’e pueblo


Tin un por lo menos un parlamentario cu ta preocupa cu e situacion di coriente na Aruba. Ta trata aki di mr. Gerlien Croes, kende ta parlamentario independiente. E parlamentario ta preocupa, mirando cu ta hopi cla cu ELMAR no por garantisa un suministro di coriente stabiel riba nos isla. Pero mas aun ta preocup’e ora di mira anuncio nan di fiesta manera cu Minister-President, mr. Evelyn Wever-Croes a haci recientemente cu Secret’s Hotel.

 
E parlamentario a nota con e prome mandatario ta celebra cu e anuncio di 300 camber di hotel pero di otro banda ELMAR no por garantisa coriente ni p’e pueblo awo con t’ey haci cu tur e hotelnan aki. Ki acuerdo tin, ki adaptacionnan lo tin, en fin un total di diescuater pregunta e parlamentario a manda pa prome minister pero te ainda no a ricibi ningun contesta.

 
E situacion na DIP no ta esun di miho, e parlamentario kier mas informacion riba e desaroyo hotelero y pa cu DIP, pero ningun tereno ainda. Tin como seis pa shete luna ta warda contesta di gobierno pero no tabatin e respet pa contesta nan hefe di trabou, esta, parlamentaro riba nan preocupacion y preguntanan.

 
Ta mustra claro cu DIP tabata hopi biaha e motibo pakico gobierno a bay cas, e minister no sa riba e proceso di precario, riba permisonan etc. Pueblo tin cu cuminsa realisa cu e situacionnan mas complica na Aruba tin nomber y fam; Evelyn Wever-Croes, asina e parlamentario independiente a comenta durante un entrevista den e noticiero merdia, Enfoke. 





Source link

More in Caribe

A2Z ADMINISTRATION

AD

To Top