Connect with us

Geoffrey Wever den COP26: Aruba a luci entre e lidernan di mundo den sostenibilidad

Aruba

Geoffrey Wever den COP26: Aruba a luci entre e lidernan di mundo den sostenibilidad


Manera ya ta conoci, minister Geoffrey Wever a bay atende e cumbre di cambio climatico na Glasgow, esta e COP26. Den esaki el a splica cu tabatin dos meta principal pa su presencia na esaki. Un di nan ta cu Ewald Biemans a ricibi un premio prestigioso pa su hotel Bucuti & Tara como un hotel liber den Caribe pa ta net 0, gobierno a hay’e di suma importancia pa ta presente pa mira esaki ya cu asina ta manda e mensahe cu Aruba ta para pa sostenibilidad y cu esaki ta e direccion cu pais Aruba tin cu bay den dje.

Pa loke ta trata e cumbre mes, esaki ta enfoca riba cambio climatico, subida di temperatura y e metanan estableci den e convencion di Paris pa reduci emision di CO2. Segun Wever, ta importante pa e paisnan haci cambio relaciona cu esaki y den e sector hotelero Aruba tin un negoshante lider cu a haci e cambio pa su hotel ta completamente sostenibel. Asina Biemans a ricibi su reconocemento diamars atardi na Glasgow den un ceremonia caminda mas compania internacional tambe a ricibi reconocemento. Segun Wever, Aruba sigur a luci entre e lidernan di mundo den sostenibilidad.

Wever a sigui splica cu e di dos motibo principal pa su participacion den e cumbre aki ta pa crea partner strategico y laso comercial nobo. Wever ta atendiendo esaki hunto cu e delegacion Hulandes, kende a compañ’e y a haci varios introduccion y tambe el a topa cu varios participante di Hulanda manera, secretario di estado, ‘klimaatgezant’ y ‘watergezant’, esta e hendenan cu ta representando Hulanda riba un nivel halto. Hopi di e personanan aki ta interesa pa traha mas den cercania cu Aruba.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top