Connect with us

Fundacion Kapel di Bethania y Museo Arqueologico Nacional Aruba ta celebra Dia di Rey den grandi

Aruba

Fundacion Kapel di Bethania y Museo Arqueologico Nacional Aruba ta celebra Dia di Rey den grandi


Museo Arqueologico Nacional Aruba (MANA) y Fundacion Kapel di Bethania (FKB) ta organisando un evento special riba Dia di Rey. MANA y FKB ta organisando un dia yena di actividad tradicional, recreativo y educativo pa grandi y chikito p’asina nan pasa e dia den esfera familiar.

Margarita Wever, representante di MANA, ta invita pueblo di Aruba, specialmente comunidad di Noord, pa ta presente na nan evento. Riba Dia di Rey n’e klooster di Imeldahof cuminsa pa 10:00 am te 2:00 pm grandi y chikito ta invita pa pasa un dia leuk. El a splica cu ta bay tin wega tradicional, hisamento di fli, tin caha di orgel. Tambe ta bay tin cushina di Kapel di Bethania, snacks crioyo di Scouting San Dominico. 

Incluso riba e dia aki ta bay tin dos tayer (workshop) creativo di artista local. E exposicionnan di MANA Caribbean Ties como esun di Fundacion Kapel di Bethania ta habri riba e dia aki. Wever a expresa cu entrada ta gratis, pero lo tin un carchi di actividad di cual participantenan por gana premio. Esaki ta premio cu bario di Noord a pone disponibel.

Suzy Boekhoudt, representante di MANA, a splica cu e Fundacion Kapel di Bethania tin dos aña den fundacion. A lanta e fundacion cu e meta pa rescata e Kapel di Bethania, cual ta e unico cu tin na Aruba den su originalidad. Door di esey a haya hopi informacion di Parokia di Noord.

Boekhoudt a bisa di e informacionnan colecta, nan kier haci nan publico y siña over e Parokia di Noord, specialmente di e soeurnan di Noord cu a biba den e klooster di Imeldahof. E soeurnan a haci hopi no solamente pa Noord sino pa Aruba, p’esey nan kier papia no solamente di e parti religioso pero e parti educativo y social. Esey ta algo cu e fundacion kier mantene pa Aruba. 

Pa loke ta e actividad di dia 27 di april, e fundacion lo tin nan bar y cushina, unda lo enfoca riba sopi. Pa recauda fondo, nan ta bay tene bendemento di carchi di actividad cu ta costa cinco florin. Nan kier promove e actividadnan n’e hoben- y muchanan como tambe famia. 

Erika Moran, artista visual, a expresa cu riba Dia di Rey su persona cu Gloria Feliciana lo duna dos tayer. Feliciana ta duna un tayer di joyeria di glas, mientras cu Moran ta duna tayer di pintamento. E tecnica di pintamento ta uno bastante facil, colourful riba canvas. E idea ta pa duna un dia creativo, recreativo, cultural y artistico. Esaki ta pa duna un dia di rey diferente ademas di comparti cuminda crioyo, acto cultural, acto di museo, ta pa haya conocemento di arte.

Pa mas lesa TREMPAN.COM.





Source link

More in Aruba

To Top