Connect with us

Fundacion CINEARUBA cu diferente actividad na caminda pa Playa Film Festival

Aruba

Fundacion CINEARUBA cu diferente actividad na caminda pa Playa Film Festival


E festival di cine local ta bek e aña aki na october cu su di dos edicion. Prome cu esaki fundacion CINEARUBA lo organisa diferente actividadnan pa stimula e participacion tanto di publico como di e participantenan.

Na caminda pa Playa Film Festival ta consisti di diferente presentacionnan di pelicula y tayernan. Riba diasabra siete di mei lo tin presentacion di tur peliculanan cortico local cu a forma parti di Playa Film Festival di aña pasa. Riba e mes un anochi lo duna informacion tocante e festival di cine di e aña aki. Tanto e publico y e participantenan lo por haci preguntanan relaciona cu festival di cine di e aña aki.

E aña aki e festival ta enfoca riba e aspirantenan, pa esaki CINEARUBA lo organisa na juli diferente tayernan cu ta skirbi script pa principiante, camera pa principiante, produccion pa principiante, zonido pa principiante, direccion pa principiante y edicion pa principiante. E intencion ta pa esnan cu participa na e tayernan por traha nan mes un peliculanan pa por participa na e festival di cine.

Participacion di peliculanan ta habri te cu 15 di augustus. Personanan interesa por bishita e pagina https://filmfreeway.com/playafilmfestival y somete nan pelicula online. Ta acepta pelicula unicamente pa via di Film Freeway. Tin dos catecoria cu ta pelicula cortico y pelicula largo. E aña aki e peliculanan cu ta oficialmente selecta den competencia lo participa pa Playa Film Festival miho pelicula cortico premio publico y miho pelicula largo premio publico. E festival di cine ta categorisa pelicula cortico, e peliculanan cu ta yega te 40 minuut y peliculanan largo ta e peliculanan cu ta di 40 minuut bay ariba. Tur pelicula cu no ta na Ingles mester tin subtitulo na Ingles. Ta acepta peliculanan no mas bieu cu dos aña.

Playa Film Festival edicion dos lo ta di diahuebs seis di october te cu diadomingo nuebe di october. Lo tin diferente presentacion di peliculanan largo y cortico, incluso diferente categoria entre otro animacion y pelicula pa mucha. Tambe lo tin diferente tayernan pa mucha. Aña pasa a crea un serie di peliculanan cortico bao di e nomber di Kingdom of Shorts. E aña aki lo combina dos peliculanan cortico hunto cu un peliculanan largo y despues di e presentacion lo tin un charla cu e creadornan. Pa e edicion di aña aki lo tin un exposicion di cine cu lo enfoca riba e trabaonan di cineasta Juan Francisco Pardo, kende ta celebrando 30 aña den media.

E nochi di pelicula lo tuma luga riba diasabra 7 di mei na Ateliers ’89 y e lo cuminsa pa 8’or di anochi. E peliculanan cu lo wordo pasa riba e anochi aki ta entre otro Kimaterra di Ken Wolf, Bon Trabaou di Ronney Dotel, Nos ta un di Julie Merencia y E soño di fiesta den sabana di Jhon Freddy Montoya.





Source link

More in Aruba

To Top