Connect with us

FTA ta firma CAO cu Grape Holding NV

Aruba

FTA ta firma CAO cu Grape Holding NV


Un CAO ta hopi importante. Den e caso aki ta un relacion entre FTA y Grape Holding NV (Divi) di hopi aña, cu ta cerando acuerdonan colectivo cu otro. Ta algo sumamente importante no solamente p’e empresa pero tambe p’e trahadonan, ta loke presidente di FTA, Hose Figaroa a comenta despues di a firma e contracto colectivo.

E contracto colectivo ta loke ta regula tur nan beneficionan, manera primario y secundario y pa FTA esaki ta sumamente importante. Ta e esencia di e trabao di e sindicato ta.

Nan no solamente ta defende e trahado na momento cu cos bay malo, pero percura, hunto cu e empresa pa cos cana nechi y naturalmente purba di busca un Win/win situacion unda cu tanto e trahado ta sali beneficia, pero e empresa tambe logicamente tin cu bay dilanti.

P’esey FTA ta hopi orguyoso y contento. Esaki ta nan prome CAO nobo cu ta firma di tur e hotelnan cu e sindicato a representa despues di e parti mas severo di e pandemia y ta orguyoso di por a logra algo.

E ta un CAO cu e trahado conoce tur tipo di adelanto, no solamente e beneficionan cu tabata existi prome cu e pandemia, a bolbe bek normal, pero tambe entre otro ta conoce aumento den dianan di vakantie, aumento den salario, etc.

E board ta hopi orguyoso di e resultado. Di banda di FTA, Figaroa ta gradici e team cu a negosha, di parti di Grape Holding como tambe FTA, cu a logra algo cu tur por ta orguyoso di dje. E contracto colectivo aki ta pa tres aña.

Pa un cobertura mas amplio lesa e edicion di TREMPAN di mañan.





Source link

Click to comment

Leave a Reply

Your email address will not be published.

More in Aruba

To Top