Connect with us

Frakshon MFK ta sostené posishon di Minister di Hustisia pa koperá i bolbe habri Campo Alegre

Korsou

Frakshon MFK ta sostené posishon di Minister di Hustisia pa koperá i bolbe habri Campo Alegre


Pa por tin un mihó kòntròl riba “vrouwenhandel”

Frakshon di MFK resientemente a tuma nota dje intenshon di Minister di Hustisia mr. Shalten Hato, pa por duna tur koperashon nesesario pa por logra habri Campo Alegre bèk.

Manera ta konosí, for di despues di segunda guera mundial Kòrsou a konosé apertura di e sentro di prostitushon konosí komo Campo Alegre. Durante aña e sentro aki a sirbi komo un espasio di plaser pa hopi i alabes tabata aportá engrande na nos ekonomia. Sinembargo, debenan kresiente i entrada dje pandemia di Covid tabata devastador ku a kondusí na siere dje sentro di prostitushon.

Konsekuentemente, prostitushon a muda pa sentro di siudat i otro sitionan klandestino. Hasimentu di negoshi ku hende muhé, o sea “vrouwenhandel” a lanta kabes, lokual a kontribuí na prostitushon di forma deskontrolá, ku tur e konsekuensha ku esaki por tin pa e sektor di salubridat públiko.

 

Frakshon di MFK ta na altura dje proseso andando den korte di hustisia, kaminda a yega na e desishon pa medio di un vindishi bai over na benta dje sentro di prostitushon Campo Alegre. Den e kuadro aki, frakshon di MFK ta sostené e posishon di Minister di Hustisia mr. Shalten Hato, pa duna tur koperashon nesesario pa despues ku bai over na benta di e propiedat, por habri Campo Alegre bèk komo un sentro di prostitushon.

Dje forma aki lo por bolbe tin mihó kòntròl riba e práktika di prostitushon parotín i na mes momento, mitigá hasimentu di negoshi ku trafikashon di hende muhé.



Source link

More in Korsou

To Top