Connect with us

Frakshon di man ta pidi reunion di parlamento ku urgensia

Korsou

Frakshon di man ta pidi reunion di parlamento ku urgensia


Dia 28 di sèptèmber último CMC a tene un konferensha  di prensa kaminda a presentá e situashon di CMC. E situashon ku a keda presentá ta di tal forma ku CMC a disidí di para operashon elektivo pa aseguradonan di SVB. No ta un sekreto ku e gran mayoria di nos komunidat ta sigurá na SVB. E desishon aki ta trese kuné ku kalidat i seguridat di kuido ta na peliger.

 

Konforme nos Areglo di Estado Gobièrnu tin “zorgplicht” pa nos pueblo. Komo representante di pueblo nos kier salbaguardiá esaki. Ta hopi lamentabel ku tin un lista di espera grandi di persona ku mester risibí tratamentu médiko i aktualmente no por risibí esaki.

 

Pa e motibu aki firmantenan kier hasi un petishon pa un reunion di Komishon Sentral konforme artíkulo 33 di reglamento di órden. Pa e reunion aki nos ta deseá pa tei Minister di Salubridat, Medio Ambiente i Naturalesa, Representante di CMC i tambe representante di SVB. E reunion a keda sostene pa Frakshon di PAR i Frakshon di Trabou pa Kòrsou. Nos petishon ta, pa e reunion aki keda konvoká ku karakter di urgensia.



Source link

Click to comment

Leave a Reply

Your email address will not be published. Required fields are marked *

More in Korsou

To Top