Connect with us

FOR DI 15 DI NOVÈMBER 2021 MEDIDA PA ENKUENTRO PRIVÁ I PROFESHONAL

Caribe

FOR DI 15 DI NOVÈMBER 2021 MEDIDA PA ENKUENTRO PRIVÁ I PROFESHONAL


Kralendijk – For di djaluna 15 di novèmber 2021, maksimalmente 25 persona por ta presente na enkuentronan privá den un espasio paden. Pa enkuentronan privá parti pafó, e máksimo ta keda 50 persona. Esei Kolegio Ehekutivo a disidí. Meta di e medidanan ta pa kombatí kontagio den espasio paden manera na kas, na skol òf na trabou. Último simannan, hopi persona a kontagiá na e lugánan akí. E reglanan mester prevení ku e vírùs ta plama fásilmente i ku tin muchu karga riba kuido.
Pa enkuentronan profeshonal ku mas ku 50 hende ku kanto, baile i gritamentu, organisadónan mester hasi un petishon. Esei por na e departamento di Asuntunan Hurídiko i General, JAZ, i direktorado di Supervishon i Mantenshon. Bishitantenan na un enkuentro asina mester mustra un QR-code òf un resultado di tèst negativo pa haña atmishon.
Sitionan di trabou mester ta mas seif posibel, trahadónan mester por tene distansia di 1,5 meter for di otro. Konseho ta tambe pa laga airu fresku sirkulá mas tantu posibel na un sitio di trabou. Te asina leu ku ta posibel ta konsehá pa laga trahadónan traha pa un parti na kas.
Ta keda importante pa mas tantu posibel tur hende tene distansia di 1,5 meter. Tambe ta konsehá siudadanonan pa ora di enkuentro hasi esaki mas tantu posibel den aire liber.






Source link

Click to comment

Leave a Reply

Your email address will not be published. Required fields are marked *

More in Caribe

To Top