Connect with us

Fisioterapistanan: Kier un contesta diabierna sea ta sinta cu minister of parlamento

Aruba

Fisioterapistanan: Kier un contesta diabierna sea ta sinta cu minister of parlamento


Arubaanse Vereniging van Fysiotherapeuten (AVF) a tene un reunion cu minister Ursell Arends. AVF pa algun tempo tin algun incertidumbre y p’esey algun siman atras nan a manda un e-mail p’e mandatario. Awe tardi nan a haya chens pa sinta cu ne y ta contento cu esaki, pasobra nan no a haya oportunidad pa sinta cu niun otro minister ni parlamento. Durante e reunion a trece diferente punto y kier haya un contesta pa diabierna. Si esey no ta e caso, nan ta bay mira kico t’e otro pasonan lo tuma.

Marlon Maduro, presidente di AVF, a splica cu dia 5 di october nan a entrega manifiesto pero ainda no a tende dje presidente di parlamento. Durante e reunion aki no a papia solamente riba nan preocupacion, pero tambe prevencion. Minister Arends ta esun encarga cu mayor adulto y a scucha nan pa mira kico por haci. Tambe pa mira kico fysiotherapie ta significa p’e mayornan adulto, pero tambe pa hopi problema cu tin den comunidad y con por yega na traha un plan pa traha hunto como un plan multidisciplinario. Aki el a referi na diferente grupo di cuido pa traha na prevencion.

E reunion tabata hopi ameno y AVF a trece dilanti diferente punto. E mandatario tabata tin hopi pregunta, specialmente riba e parti di prevencion, pero e parti di su cartera integridad. Segun Maduro, a puntra dicon no atende nada of haya resultado di parlamento of minister di Salubridad mes. E reunion por a bay ameno, pero awo e accion ta bay conta. Di esaki nan kier sa kico ta bay saca afo, kico e resultado lo ta dje reunion. E ta di acuerdo cu e mandatario cu awo t’e momento di cuminsa actua. “Nos traha hunto, nos ta yega hopi mas lihe na un prevencion loke nos no tabata tin antes”, el a expresa. Antes sector medico a traha hopi curativo, pero awo mester bay traha hopi mas preventivo.

Un cos cu e minister no a priminti ta hiba e palabranan aki na su colega minister, pero e lo trece esey dilanti cu nan lo papi’e y minister Arends su parti e lo bay mira kico nan por haci pa yega na un solucion. Awo AVF ta bay warda pa diabierna y mira si en berdad si ta tende fo’i Presidente di Parlamento Edgard Vrolijk si nan a haya audiencia cu minister of parlamento. Si esey no ta e caso, e ora AVF lo mira ki ta e pasonan mas aleu pa conscientisa pueblo pa duna nan sosten. Pero tambe pa ta cu nan riba e lucha, pasobra no ta solamente esunnan di fysiotherapie ta sali perhudica, sino e pueblo ta sufri mas grandi.

Pa cobertura mas amplio, lesa e edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top