Connect with us

Fiscal a bolbe perde caso contra Melony Croes-Paesch

Aruba

Fiscal a bolbe perde caso contra Melony Croes-Paesch


Ministerio Publico parce di no por pega un cu e casa di ex-minister Paul Croes. A purba di tur forma pa inclui e señora di e ex-minister den e caso IBIS, pero no ta logrando. Den e prome caso a acus’e di labamento di placa pero e señora a apela y a gana e caso ey den apelacion. Tres hues a absolve di e acusacion ey y a limita su castigo na haci trabou pa comunidad pasobra e tabatin un empleada domestico sin permiso legal di estadia y di trabou den su cas.

Pero asina mes, aunke el a gana e caso di apelacion, den e caso di “ontneming” cu a cana paralelo na e investigacion penal, a bolbe haci un intento pa acusa y pidi condena pa Melony Croes-Paesch. Pero…aki atrobe hues a hala atencion di fiscal, declarando henter e acusacion y caso como no-admisibel. Bisando esey, a opta pa no atende e caso mes pasobra no por ta asina cu e acusado a haya vrijspraak den e caso penal y den e otro caso ta purba acus’e atrobe pa e mesun acusacionnan!

Abogado di Melony Croes-Paesch, esta mr. demis Illes a vocifera cu pa su cliente, e sentencia aki ta hopi importante. Cu un acusacion di labamento di placa riba bo nomber, ta bira imposibel casi pa por haci negoshi of pa tin un cuenta na banco. Ta pesey door di gana e caso y awo door di haya un sentencia den cual hues ta declara fiscal no-admisibel den su acusacion contra Croes-Paesch ta habri e posibilidadnan atrobe pa su cliente por haci negoshi normal atrobe y pa por cana cara na laira cu e no tin nada di haber den e caso Ibis.





Source link

Click to comment

Leave a Reply

Your email address will not be published. Required fields are marked *

More in Aruba

AD

Advertisement

Trending

Advertisement
To Top