Connect with us

Festival di Teatro di mucha y pa mucha organisa pa Little Stars na Cas di Cultura!

sneeuw blanco

Aruba

Festival di Teatro di mucha y pa mucha organisa pa Little Stars na Cas di Cultura!


Despues di e exito rotundo di aña pasa, Cas di Cultura ta organisa un biaha mas, cu e proyecto di Little Stars, e gran festival di Teatro di y pa Mucha dia 25 di Mei 2024. E proyecto aki ta conhuntamente cu e grupo di Teatro Zengenue bou di direccion di Sr. Ferdinand Franca.

Un di e metanan di e proyecto aki ta pa e muchanan di scol basico y special por tin e experiencia di por presenta riba e escenario grandi di Cas di Cultura. Tambe nan haya lesnan creativo despues di scol. E meta principal ta pa tur scol na Aruba participa na e proyecto aki. Aña pasa 3 scol a participa. E scolnan cu a participa tawata Colegio Sagrado Curason, Scol Basico Xander Bogaerts y Scol Caiquetio cu ta un scol special. Pa e aña aki lo participa 4 scol basico cu ta Mon Plaisir School, St. Dominicus College, Pius X School y St. Annaschool.

E proyecto tin un duracion di 3 luna unda e muchanan ta haya lesnan di tur e disciplinanan cu ta di teatro, baile, canto y arte visual. Tin un tema central cu ta di Sneeuwwitje. E intencion ta pa e muchanan crea un version nobo di e storia, pues pone e storia den un bachi nobo. E muchanan mes ta crea e storia, nan vestuario, nan “props”, nan decoracion. Pues ta mantene e liña di e storia y ta agrega elementonan nobo na e storia unda e ta bira un obra ful original.

E presentacion pa e scolnan lo tuma lugar dia 22 y 23 di Mei 2024. Aki e 4 scolnan participante lo presenta nan obra y e scolnan basico y special ta invita pa bin wak nan. Esaki lo tuma lugar mainta unda e busnan lo bin busca e muchanan y hibanan na Cas di Cultura. E meta di esaki ta crea un cultura unda e muchanan ta presenta pero tambe e otro muchanan ta e publico cu ta apoya nan. Asina nan por wak mas obra teatral y haya aprecio pa esaki. E presentacion pa publico en general lo tuma lugar dia 25 di Mei 2024. Aki e publico lo por wak tur e 4 Musicalnan.

Nos kier a gradici e sponsornan cu ta Prins Bernhard Cultuur Fonds Caribisch Gebied y Harry Koeman Fonds op Naam.

Tambe nos ta invita e comunidad pa bin apoya nos muchanan. Ban yuda engradece e Arte y Cultura na Aruba. Tambe apoya nos talento infantil y local.

Carchinan ta obtenibel na tur scol participante y Cas di Cultura pa Afl. 15.





Source link

More in Aruba

A2Z ADMINISTRATION

Advertisement
Advertisement
Advertisement

AD

Trending

Advertisement
To Top