Fayo di FAA na Merca a afecta varios buelo pa Aruba awe!

Posted on 01/11/2023 10:28 am AST | Updated on 01/11/2023 10:29 am AST

MIAMI – E fayo tecnico di e sistema di agencia federal di aviacion Mericano (FAA) a afecta buelonan for di Merca pa Aruba. Aeropuerto di Aruba a confirma pa Noticiacla cu mayoria buelo tin un retraso di por lo menos mei ora pa 1 ora. Noticiacla mes a tuma nota cu tin te hasta cu tin retraso di 2 hora. A conta por lo menos 5 buelo cu mester yega awe tardi, cu ta afecta. Mientrastanto e problema a keda resolvi, y poco poco tur cos ta bayendo na normalidad. Pero esaki no ta kita afo cu e la afecta y lo sigui afecta buelonan. Manera cu nos a raporta caba, tin por lo menos 12 buelo programa pa yega Aruba for di Merca awe. Y ya caba 5 ta confirma cu ta afecta cu retraso. 

KICO A PASA

Tur buelo na Merca a keda paralisa diaranson mainta, y prohibi pa bula te por lo menos 9’or ora di Merca (10’or di Aruba), debi na un fayo technico di e sistema di e agencia federal di aviacion Mericano FAA. Esaki \a traduci na retraso pa por lo menos 1230 buelo drentando y saliendo for di Merca, y 108 cancelacion te awor. For di aeropuerto Reina Beatrix, noticiacla.com a compronde cu esaki inicialmenteno tabatin ningun efecto pa Aruba, pero despues a cambia e informacion aki. Tin por lo menos 12 buelo for di Merca programa pa yega Aruba awe di cual mitar ta cuminsa bula for di mainta pa por yega Aruba.