Connect with us

Expo di arte pa dos luna largo den Talk of The Town

Aruba

Expo di arte pa dos luna largo den Talk of The Town


Na Talk of the Town tin un galeria yama ISO 20. ISO 20 ta un investigacion cu e artista a cuminsa cu ne binti aña pasa durante ‘self location’ na continente Europeo.

Despues di binti aña di a traha un documentacion di 35 milimetro Nelson Gonzalez, artista, a perde esaki. Tecnologia no tabata asina desaroya pa wak y e tabata mucho caro pa print potret di 35 milimetro so. Esey a keda warda, perdi y despues di binti aña Gonzalez a hay’e di nobo.

Segun Gonzalez, el a ripara cu e proceso di binti aña pasa a cambia e sinti cu tabatin pa crea un archief y a bira un obra di arte. Aworaki den revolucion di NFT como formato di autenticacion di arte, e artista a dicidi no unicamente traduci e proceso di celoloigico den analogico den 35 milimetro na fotografia digital, pero tambe presenta den un formato NFT.

Loke e ta haya interesante di e proyecto aki ta tuma luga na Aruba Photo Room, cu ta un espacio designa pa investigacion fotografico Latino Americano. E ta coproduci hunto cu museo OEA Las Americas na Washington. E ta un oportunidad p’e artistanan local cu ta traha cu e medio fotografico tin un espacio pa reflexion y mustra nan investigacion.

E proceso a cuminsa na celoloigico di 35 milimetro despues digital, despues print bek riba un formato di metal y e ta pasa di un formato fisico na uno completamente virtual, cu ta un NFT format. Como artista local representando Caribe Hulandes, Aruba ta e unico isla den e seleccion di Caribe den e parti di LGBT+. Esaki lo tuma luga na Republica Dominicana y e espacio cu arte contemporaneo ta bira un catalisado di conflicto social y aceptacion p’e comunidad di LGBT+.

Pa sa mas lesa TREMPAN.COM.





Source link

More in Aruba

To Top