Connect with us

Ex-trahado ta denuncia: Incertidumbre y iregularidad na pizzeria

Aruba

Ex-trahado ta denuncia: Incertidumbre y iregularidad na pizzeria


Paula Nahtu ta ex-empleado di un pizzeria situa na Paradise Beach Village yama Terrazza Italiano, cu a trece un denuncia publico den direccion di e negoshi cu e tabata traha p’e.

Nahtu a cuminsa traha desde 2017 como cashier y waitress na un pizzeria na Orange Plaza, cual na su turno a bay traha despues na Terrazza Italiano na Paradise Beach Village pasobra nan a cera esun na Orange Plaza.

Despues di 4 aña, riba dia 27 di augustus, e propietario a yama Paula telefonicamente pa pone na altura cu e no tabata den servicio mas n’e pizzeria. A dun’e e ordo pa no regresa a pia di trabao, sino lo tin problema cu su yiu y casa. Sin un splicacion concreto e propietario a cera telefon.

Paula a tuma contacto cu su ex-colega di e pizzeria pa averigua kico por a pasa. A bin resulta departamento di labor a presenta n’e pizzeria y a bay c’un ex-colega cu tabata traha ey. E tabatin solamente permiso como personal domestico, sinembargo e tabata traha na un negoshi. P’e motibo aki mes nan a busc’e n’e pizzeria.

Segun version di e propietario n’e ex-colega, ta cu Paula t’esun cu a informa departamento di labor riba e hecho aki.

Mirando cu esaki no ta e caso Paula a dicidi di busca su derecho y e cana su caminda pa departamento di labor. E ta sinti cu a kit’e sin motibo for di trabao p’asina laga un trahado sin permiso na pia di trabao.

Departamento di labor a tuma contacto c’e propietario y e na su turno a informa cu no tin prueba cu Paula tabata traha cu ne.

Na su turno Paula a hiba tur su documentonan pa departamento di labor pa prueba cu si e tabata traha na e pizzeria desde prome di september 2017 te cu 21 di augustus 2021.

Paula a tuma contacto cu Departamento di Labor y a informe cu e propietario a pone e caso den man di abogado y a presenta un documento cu e tin un negoshi registra na su nomber na Camara di Comercio, cual ta corecto.

Sinembargo esaki no a sigui manera planea pasobra no a logra keda cla cu e tur loke mester entre otro e papelnan di DTI pa cu e conexion di gas. Paula ta agrega cu mientras e tabata pagando huur p’e negoshi, a resulta despues cu el a entrega y cera e negoshi na Camara di Comercio

Den a pagonan haci di La Terrazza Italiano na Paula, esaki tabata haci bao nomber di e servicio di buffet.

Tabata haci pago como servicio como buffet/catering ora tin evento y no como empleada di La Terrazza Italiano. Esaki a pone cu e propietario ta indica cu e no tabata traha den servicio fiho cerca nan.

Mensahe cu Paula kier trece dilanti na e comunidad di Aruba ta cu La Terrazza Italiano ta tuma persona den servicio pa traha 8 ora pero ta informa departamento di labor cu bo ta traha solamente 3 pa 4 ora pero riba pago haci ta indica cu e pago ta na orario di 8 ora cual ta un full time job, yegando n’e suma di dos pa 3 mil florin pa luna.

Alabes ta informa departamento di labor, DIMAS, Warda nos Costa, cu n’e negoshi tin mas persona ta traha sin nan documentonan legal, cual t’e permiso pa por traha.

Paula ta gradici tur negoshi cu ta apoya comerciante local, stranhero documenta y cu kier traha  y tin derecho pa traha, pa nan haci uzo di nan derecho.

Tin hopi incertidumbre y iregularidad ta pasando den e sector di Horeca y ta pidi pa e departamentonan concerni tene esaki na cuenta, nan cu ta traha dia aden dia afo ta pasa aden.

UN POSICION OFENSIVO

A purba di tuma contacto cu e negoshi, esta La Terrazza Italiano, cu e persona encarga pa un otro banda di medaya, pero na su turno el a nenga di comenta, indicando cu e caso ta den man di Departamento di Labor y no ta haya ta etico cu e medio aki ta uza nomber di su negoshi den prensa.

El a bay asina leu pa reta y menasa si atende cu e articulo aki y public’e, e lo hiba e medio aki corte pa mal uza su derecho y invadi privacidad di su negoshi.





Source link

Click to comment

Leave a Reply

Your email address will not be published. Required fields are marked *

More in Aruba

To Top