Connect with us

Eric Ras (CURPA): Tur trahado merece un trato husto!

Aruba

Eric Ras (CURPA): Tur trahado merece un trato husto!


E fayonan cu nos gobierno ta comete cada dia cu pasa ta birando pio.  Despues di ta papia cu e loonsubsidie y fase ta un prestamo kisas pa algun pero den e ‘conseho di SER’ ta papia di schenking kiermeen un regalo. E mas tristo di asunto aki ta cu menciona un suma di 84 miyon florin cu a wordo paga di mas. No ta suma chikito pero di otro banda ta dicta un entrega di 12,6% pa empleadonan publico y otro n.v’s di gobierno. Asina aki gobierno ta uza su strategia  estilo Machiavelli pa crea  division. Un estilo comunista pa keda na poder pa haci y deshaci.

Nos pais ta pasando den momentonan dificil y awor mas cu nunca nos mester di un gobierno cu liderasgo y vision pa guia nos pueblo den e momentonan dificil aki. Un gobierno cu tempo nan tabata den oposicion tabatin tur solucion pero awor cu nan tin e poder a perde tur strea di Noord.

Un gobierno cu kier pa pueblo sacrifica pero cu den nan mesun seno no ta existi e palabra sacrificio. Costo di bida ta subi tur dia y kier pa pueblo entrega pero di otro banda no tin un maneho financiero cu por duna nos pueblo e speransa cu nos situacion lo cambia den futuro.

Gobierno a fima e acuerdo cu Sustainable Development Goals na december 2020, esaki ta e motibo pakico nos por mira e bandera ta bula dilanti Bestuurscollege pero den mes un momento ta bay contra di e acuerdo bou di punto 7 di agenda Sustainable Development Goals cu nan mes a firma. 

1n61b11a808c3511.75984183

A pone presion riba e directornan di WEB pa firma e acuerdo cu Eagle LNG pa nos planta di awa por bay funciona riba gas. E 2 directornan a nenga di firma y a dicidi pa retiranan for di nan puesto pero mester sigui paganan te ora nan edad di pensioen yega. Esaki ta movecion di comunista pa asina nan logra nan meta. E problema mas grandi ta cu ta mara nos pueblo di Aruba pa 20 aña na un prijs di awa  y electricidad. Pueblo por wel di lubida riba rebaho di prijs di awa y electricidad.  Anto e ora si pueblo mester haci locual e minister Hulandes Kasja Ollengren a expresa pa pueblo baña menos pa spaar riba consumo di awa. Un compania cu lo bay gana placa riba custia di nos pueblo.  Si WEB tabata mester di bay over pa gas mes nan no lo mester di ningun intermediario pa gana cobra un dineral pa haci nada. E contract firma aki lo ta e ultimo clabo riba e caha di morto di e coalicion aki.

Prijs di transporte a subi drasticamente y ta haci di mes cu prijs di tur producto lo conoce un aumento  drasticamente y automaticamente lo causa un inflacion. Tur e medidanan aki riba lomba di pueblo con gobierno kier pa pueblo sobrevivi. Esunnan mas vunerabel den nos comunidad ta esunnan cu mas ta sufri. Con gobierno kier pa nos grandinan cu ta biba di un solo pensioen y esunnan cu ta biba di un onderstand sobrevivi? For di un galina sin pluma gobierno no lo por haya pluma pa kita. Ta bon mes cu partido MEP no ta den oposicion paso hopi dia caba lo tin disturbio. Locual cu nan a sembra nan lo cosecha.

Un maneho sin pia sin cabes anto ainda gobierno tin cuero di cara pa pidi e clase trahadornan pa no manifesta. Kier kita e derecho di e clase trahadonan y kier oprimi e clase trahadonan. Sin e poder di compra di e clase trahadonan comercio por wel di drumi warda paso lo no tin pa nan tampoco. Pueblo no por cumpra cu saco bashi.  Esunnan cu ta pena a dicidi cu nan no kier wordo sacrifica mas y a dicidi lanta para pa nan derechonan.  Nos di partido CURPA ta para banda di e clase trahadornan pa un trato husto.





Source link

Click to comment

Leave a Reply

Your email address will not be published.

More in Aruba

AD

Advertisement

Trending

Advertisement
To Top