Connect with us

Eric Ras (CURPA): Gobierno ta sigui hunga cu e galiña cu ta pone e webo di oro

eric ras scaled 1 300x200 1

Caribe

Eric Ras (CURPA): Gobierno ta sigui hunga cu e galiña cu ta pone e webo di oro


eric ras scaled 1 300x200 1

A pesar di cu gobierno no kier admiti y kier sigui tapa solo c’un dede, e situacion di nos pais no ta ‘cos ta canta macamba.’

Gobierno ta bati riba nan pecho cu a logra un surplus y cu Fitch y S&P lo a gaba e maneho y e grado di credibilidad financiero di Aruba, pero mientras tanto e crisis economico di Aruba ta mas grave cu nunca. Esaki ta e politiconan cu mientras den oposicion a core campaña na 2017 di conoce e materia, a studia e materia y lo goberna sin medida.

Apenas a drenta gobierno cu fiesta di malgastamento di placa di pueblo a cuminsa. Biaha rond di mundo y sin alivia e necesidadnan mas importante pa nos pueblo y nos Isla. Un prioridad ta e Bubaliplas. Hotel a entama caso contra di gobierno te cu hues a pone un dwangsom pa gobierno pero nada no ta wordo haci di parti di gobierno. E topico aki no ta desconoci pa gobierno paso na 2019 a laga Carmabi haci un investigacion. Den e rapport ta duna indicacion cla cu nos rif di coral ta degrada y empeorando lihe.

A recomenda cu mester actua responsabel y urgentemente, pero e rapport a bay scondi den lachi mientras tabata habri sluis pa laga awa sushi bay lama. E mesun hotel a bolbe lanta un caso contra di gobierno paso gobierno ta sinta man crusa y no ta haci nada. Ta traha yen di comision gasta placa y haci nada. Un planta di 50 aña bieu cu no ta for di awor sino di hopi tempo ta papia di urgencia pa hasi cambionan necesario pa acapara e gran cantidad di camber di hotel cu a bin acerca. E urgencia nunca a haya prioridad, paso awe den 2024 e situacion ta hopi mas pio di locual cu e tabata ta.

Na inicio di aña 2023 e minister encarga, Ursell Arends, pero tambe Prome Minister Evelyn Wever Croes a duna di conoce cu pa luna di maart 2023 mester a finalisa cu henter e proceso di rehabilitacion di e Riool WaterZuiveringsInstallatie. Ningun proceso a keda cla paso ta ranca ciboyo sin pone man na obra. Un rato kier a cobra e turista na aeropuerto y un rato inclui den e tarifa di camber di hotel. Minister Arends ta papia hopi pero e no tin ningun autoridad corda pa dicidi mientras su nomber ta wordo lastra.�

Gobierno ta hunga cu e galiña cu pone ta webo di oro. A ranca tur e pluma for di e galiña caba. E unico pilar economico cu nos tin ta na peliger pa falta di maneho di gobierno. Entrada di gobierno a subi e ultimo aña cu mas di 500 miyon florin pero no ta mira unda e placa ta bay. Aruba tin 7 aña perdi pa falta di vision di un gobierno cu no sa di administra placa di pueblo. Tur empresanan estatal di gobierno ta den cora. Gobierno ta bon saca bonds pa loco y nos companianan estatal ta esunnan cu ta cumpra e bonds.

Continuamente bo ta mira banco central saca anuncio pa bonds. Prijs di cuminda ta sigui subi mundialmente. Na Alaska un caha di awa ta 37 dollar y boter di pinda 10 dollar y no papia mes di prijs di un pida carni. Prijsnan den supermercado ta cambia tur siman y imagina esunnan cu no tin trabao y tin cu biba di un pensioen di biehes. Na mas di un ocasion nos di partido Curpa a bisa cu situacion mundial ta bay bira dificil y Aruba ta un isla cu ta importa tur cos. Nos a keda depende riba un pilar economico y nos tin experencia kico a pasa na 2020 ora di e lockdown. Nos di partido Curpa ta kere cu mester bin mas cu un pilar economico y en bes di sigui rosa mondi pa bin cu mas construccion nos mester planta mas.

E dia lo yega y nos lo corda ora escasez di cuminda bati na nos porta. Lo bin e great reset caminda lo bo no por swipe ni lanta placa. Ora e situacion aki bati na nos porta nos lo grita pero lo ta laat. Gobierno lo sali na careda. E situacion cu nos isla ta aden ningun politico a bin cu solucion. Mas cu 20 aña nan a presenta yen di promesa pero locual cu nan a cumpli cu ne ta yen di debe. Partido AVP tin 10 punto bunita pero tur e puntonan ey ta pa saca placa for di un galiña sin pluma.

Na 2027 bonds ta caduca cu ta casi 3 biyon florin sino ta mas. Lo mester bolbe renob’e? E partidonan cu no ta honra Dios no tin ningun solucion paso ta nan mes a crea e desastre financiero cu nos ta aden. E bendicion ta bin di esunnan cu ta honra Dios y ta respeta Dios su leynan. Partido Curpa e unico alternativa.





Source link

More in Caribe

A2Z ADMINISTRATION

Advertisement
Advertisement
Advertisement

AD

Trending

Advertisement
To Top