Connect with us

Eric Ras (CURPA): Gobierno a sembra biento y awo ta cosecha horcan!

Aruba

Eric Ras (CURPA): Gobierno a sembra biento y awo ta cosecha horcan!


“Nos no ta nan pero nos ta demostra di ta pio cu nan! Ta sinta tira lodo tur caminda y awor cu bo ta den candela bo kier hunga victima. Tanten cu solo no baha careda di bina no a caba. E gobierno aki cu nan manera di goberna ta demostra cu nan kier caba cu Aruba. E forma arogante di goberna ta demostra kende berdaderamente nan ta. Sin escrupulo ora ta trata cu nos pueblo”, asina Eric Ras, lider di partido CURPA a bisa awe.

Tabata core rumores cu tin un investigacion andando na Arubahuis y awe por confirma cu tin base pakico e minister plenipotencario a entrega su retiro. Su argumento cu ta pa via di kindertoelage. E argumento aki ta zona masha fofo mes. Bo no ta bay laga un salario halto pa un kindertoelage pasobra tardi of tempran bo tin cu hay’e si bo tin derecho riba dje. E pilder aki ta dificil pa traga.

Minister president tin e deber pa actua den e caso aki sino e ta bira complice. E caso aki no ta un secreto publico mas.

Artikel 199 di nos procedimento penal ta bisa: Ieder, die kennis draagt van een begaan strafbaar feit, is bevoegd daarvan aangifte te doen.

No ta pasa un siman cu cosnan malo ta sali na claridad di e gobierno aki. Si sigui asina nan lo bay den Guinness Book of World Records pa tanto escandalo.

Escandalo di vacuna, na Serlimar, na Arubus, na DIMAS, na WEB N.V pa e cuenta di Eagle LNG, FASE y asina por sigui menciona. E gobierno aki no por papia di integridad pasobra nan no tin e. E situacion por wordo defini manera un tsunami di escandalo cu a pasa riba nan.

Gastonan ta sigui subi y pa tira santo den wowonan di empleadonan publico a bin cu 5% den nan salario y e 7.6% na aña 2023. Un Parlamento cu no ta para firme y no tin control riba nan gobierno. Parlamento sa masha bon cu si gobierno no hasi locual el a firma den e protocol di diabierna scur di 13 november 2020, e empleadonan publico lo no haya nada bek.

Esaki ta e momento cu nos parlamentarionan cu ta bisa cu nan ta Cristian lanta para pa principionan. “Demostra cu boso ta para banda di e homber chikito demostra cu boso ta para banda di pueblo y ranca e plug di gobierno. E spada di 2 filo ta corta banda banda y esaki lo bo scapa for di dje. Nos no por burla di Dios pasobra locual cu bo sembra lo bo cosecha. A bira tempo pa nos lanta para pa salba nos Aruba dushi tera”, asina Eric Ras a termina bisando.





Source link

More in Aruba

To Top