Connect with us

Eric Ras (CURPA): Gobierno a gasta miyones sin fin y awo CAFT su hemchi a yena

Aruba

Eric Ras (CURPA): Gobierno a gasta miyones sin fin y awo CAFT su hemchi a yena


Parce cu e emmer, miho bisa e bari, di pasenshi di CAft a cuminsa pasa over. E gobierno di Aruba ta keda sordo-mudo pa e consehonan di CAft y ta keda escohe pa sigui su propio caminda di mal gobernacion.

CAft ta indica cu Aruba a conoce, apesar di e pandemia, un crecemento economico den 2021 y 2022 y toch ainda ta keda falta 236 miyon florin den su presupuesto. CAFT ta pidi pa gobierno kita e 39 miyon for di e post di goederen en diensten den e presupuesto. Serlimar mes mester resolve su problema financiero y mester kita 3 miyon for di e presupuesto. Serlimar a ricibi for di gobierno entre 2018 pa 2021 e suma di 101 miyon florin.

E 12.6% mester warda riba decision di rijksministerraad y mester kita e 11 miyon florin for di post di gasto personal di gobierno. E gasto di personal di gobierno mester keda na 417 miyon florin. Gobierno mester hisa impuesto of baha su gastonan cu 15 miyon florin. Gobierno mester bisa con ela yega na e 16 miyon pa drecha RWZI y pone e 4 miyon florin na renobacion di Beatrixschool. Gobierno mester bisa tambe con ela yega na 160 miyon florin cu e BTW ta bay genera den 2023. E gastonan riba huurmento tabata na 2017 na e suma di 165 miyon a subi pa 213 miyon florin. Esaki ta representa un aumento di 40%. Tambe CAFT ta relata cu tanto Post N.V. como Arubus ta haya un ayudo financiero substancial for di gobierno.

Den e relato CAFT ta papia di e “beleidsplan verlaging personeellasten” cu a keda drumi den lachi di gobierno y te cu 25 di juli 2021 a mande pa Parlamento. E beleidplan aki nunca nan a trat’e den Parlamento y ta hasi cu e no tin forsa huridico. Hopi empleadonan publico a bay huez y a gana nan caso. Na 2020 RMR a dicidi cu gobierno mester reduci gasto di AZV for di juni 2020. Den reunion di RMR dia 18 di juni 2021 a palabra cu Aruba mester de facto reduci 60 miyon for di AZV. Nos por mira cu gobierno di Aruba nunca a cumpli cu n’e a pesar cu RMR a solicita esaki na diferente ocacion.

1n62a75caf9fdce3.84886178

BTW mester keda introduci na 2023 y lo mester trese 160 miyon florin den caha di gobierno y ainda ta keda cu un deficit di 120 miyon florin.  E ahuste di ingreso fiscal cu 20 miyon florin no ta alcansabel mas pa 2022 paso gobierno a keda prolonga e tempo y e apoyo for di Hulanda pa mehora nos systema di belasting a keda posponi. Nos por sinti cu RMR a cansa di e actitud di gobierno paso den e relato di CAFT ta bisa cu a pesar di a conseha gobierna diferente biaha, gobierno di Aruba no a haci nada pa baha e gasto di empleadonan publico. Tambe compara cu 2021 e gastonan di overtime di empleadonan publico ta mas halto compara cu 2020.

For di cuminsamento e gobierno aki no tabata tin vision pa goberna nos isla y awor nan ta manera un avestruz cu no sa unda pa hinca su cabes. Malgastamento di placa di pueblo ta bay na auto caro y na fiesta. For di 2017 te cu awe no a bin cu ningun proyecto. Nan unico proyecto tabata bula cabes di directornan y na gasta placa di pueblo.  

E relato di CAFT ta papia bon cla cu gobierno no a haci net nada pa drecha nos situacion financiero y a hasta hasi’e mas pio di locual cu e ta. For di tempo cu Aruba a drenta Status Aparte a wordo goberna pa hendenan sabi. Un cos ta sigur cu nos debe nacional tin signatur di 2 partidonan cu a goberna Aruba y esey partido mep cu a crea giga debe y partido avp crea e mega debe. Esaki lo keda graba den nos historia. Historia ta mustra nos cu, mas nos pueblo a hala for di Dios mas pio nos situacion en general a bira. Pueblo di Aruba laga nos dobla nos rudia y sclama na nos bon Dios pa Su ayudo. Ban hasie un tempo special pa busca Dios cu henter nos curason pa e yena nos cu Su sabiduria pa Aruba por experencia un cambio. Ta locual cu lider di partido CURPA, Eric Ras a declara.





Source link

More in Aruba

To Top