Connect with us

Eric Ras (CURPA): Aruba na man di gobierno actual ta cana manera cangreu

Aruba

Eric Ras (CURPA): Aruba na man di gobierno actual ta cana manera cangreu


Diripiente ta core pone un capa nobo di asfalt dilanti Bestuurskantoor y Parlamento. Den e presupuesto 2023 DOW tin fondo pa mehora infrastructura publico y den e lista cu Parlamento a haya  ta bisa cu lo drecha solamente cinco caretera y un di nan ta e caminda dilanti di Sede di partido M.E.P.. E camindanan rond di Aruba ta na werki. No papia mes di e caminda dilanti di e hotelnan riba J.E. Irausquin Boulevard. Y manera semper e minister encarga cu DOW esta nos Prome minister atrobe no sa di nada.

No solamente e mal estado di e caminda dilanti hotelnan grandi pero tambe riba e caminda tin un fontein cu holo di perfume.  E turistanan por mira claramente cu Aruba ta cana manera un cangreu na man di e gobierno aki. E planta di purificacion na Bubali plas ta keda den noticia. Minister Ursell Arends a perde hasta su proyecto di e planta di purificacion paso e ta cay bao di WEB NV awor. Kiermen e no tin nada di bisa mas. Y minister Arends ta haya ta bon pa hinca WEB den mas problema financiero.

Nos tin un Minister di Labor, Integracion y Energia ta papia di baha prijs di awa y coriente. E minister a bula bay Ecuador sin experto y despues bisa di a yega na un areglo cu e minister na Ecuador. Un minister cu a hay’e obliga di tuma su retiro pa investigacion. E expertonan riba e materia aki na WEB NV a laga e minister sa cu no ta paso e heavy fuel oil ta barata WEB NV por uz’e.  Un minister cu tempo e tabata den oposicion a habri Citgo pa despues di a bira minister ta kita e empleadonan for di trabao y laga cera Citgo. E mas pio ainda ta cu a regala e 175 miyon dollar cu tabata destina pa haci e tereno di e refineria limpi. E miho luga pa e minister aki ta ora e ta den oposicion paso ey nan e tin mas logro cu ora e ta sinta como minister. Minister tur cos ta mustra cu e carchi bingo a muha.

Empleadonan publico a paga nan prima di vacacion durante juli 2019 pa april 2020 pa despues cobra 50% na e vakantieuitkering, bashi premie y voorjaarspremie den 2020, esta 7.6%. Supuestamente (FASE) pa yuda esunnan cu a perde trabao durante pandemia. Gobierno a gaba aña pasa cu ta duna empleadonan publico nan 5% di salario bek sin a warda riba respuesta di e Rijksministerraad. Dos dia prome e empleadonan publico ta wordo informa cu lo kita entre 200 pa 300 florin pa belasting. Wel empleadonan publico e belasting aki ta mas o menos e 5% cu kita for di e salario. Gobierno ta kita mas placa awor for di esunnan cu ta traha overtime. P’esey e minister concerni no kier duna cuenta.  Awor si  mester warda pa paga e premienan riba decision di Rijksministerraad. E empleadonan publico por kere e gobierno aki? Ki ora gobierno ta haya ta bon e ta hinca man den cartera di empleadonan publico paso nan ta grita pero no ta haci nada. 

Nos por mira partido avp ta campaña cu e lema Common Good of e Bon Commun. E concepto di Common Good ta bin for di e teoria politico uza pa entre otro Niccolo Machiavelli, Karl Marx, Thomas Aquino ect. Un concepto completamente comunista. Nos sa cu tanto partido avp como partido mep ta di acuerdo cu metanan di desaroyo sostenibel SDG agenda 2030 cu a sali for di Nacionnan Uni. Miho bisa, tur e otro partidonan politico ta di acuerdo cu agenda 2030. Nos ta sigui pone enfasis cu e agenda aki ta bay contra di e famia crea pa Dios. E meta di agenda aki ta pa tur pais tin mesun pensamento manera tabata den tempo cu a construi e toren di Babel. Cocolishi aki na Aruba ta representa e toren di Babel mesun cos cu e edificio na Brussels y na Strassbourg. Nos di partido Curpa ta e unico partido cu ta contra pa sigui agenda aki. E ta inaceptabel. Un agenda diabolico.

Pueblo di Aruba laga nos lanta para y para firme pa nos no wordo hiba unda nos no tin libertad mas. Nos di partido Curpa ta kere cu Dios lo no bay permiti pa gobierno implementa e agenda comunista aki. Aruba a sufri suficiente caba na man di e gobierno comunista. Nos speransa y cu fe den Dios nos lo tin victoria.





Source link

More in Aruba

To Top