Connect with us

EPI Unidad Salubridad y Servicio a celebra tur ochenticuater graduado

Caribe

EPI Unidad Salubridad y Servicio a celebra tur ochenticuater graduado


Diabierna tabata un dia special p’e graduadonan di EPI Unidad Salubridad y Servicio. Rib’e dia aki, a baha lista di e nombernan di tur e graduadonan p’e aña escolar tra’i lomba.

Cedric Trimon, docente na EPI Unidad Salubridad y Servicio a indica cu e mainta aki tabata kier a pone tur e graduadonan den spotlight p’asina duna realse na Aruba su futuro enfermeronan pero tambe e futuro trahadonan social, asistentenan di boticario.

Sigur, EPI ta hopi orguyoso di nan graduadonan. En total tabatin 84 studiante cu a gradua cu ta bon pa 59%. Pa Trimon, esaki sigur ta haci cu nan ta hopi contento cu e resultado, cu pa nan ta uno halto. E graduadonan tabata procedente di e diferente sub- unidadnan:  Apotheker, Verpleging, Verzorging y Welzijn.

IMG 2523 1

Segun Trimon, nan ta hopi orguyoso di nan graduadonan, ya cu esakinan lo ta esunnan cu pronto lo subi mercado laboral, e futuro enfermeronan, e futuro trahadonan social, esunnan cu den futuro lo cuida nos grandinan.

Por tulimo, Trimon a curasha tur studiante cu ta terminando nan MAVO of cu ta cavando nan HAVO, pa bin wak kico tur EPI Salubridad y Servicio tin di ofrece. Aruba mester di trahado social, enfermeronan, esunnan pa cuida di nos grandinan.

Na e studiantenan eyfo, cu ainda no sa kico nan kier bira, pasa na EPI Unidad Salubridad y Servicio pa haya mas información di kico tur e unidad aki tin di ofrece na e studiantenan.

Studiante, Aruba mester di bo!





Source link

More in Caribe

A2Z ADMINISTRATION

AD

To Top