Connect with us

EPI Culinary Arts cu buffet internacional destacando e sabor Caribense

Aruba

EPI Culinary Arts cu buffet internacional destacando e sabor Caribense


Den e ultimo dos simannan aki, e studiantenan di e unidad di arte culinario di EPI a tene como parti di final di aña, un examen culinario, den cual nan mester a demostra nan conocemento y habilidad riba e area di traha un buffet completo. Dia 16 di december a tene e evento special aki.

Chef Jeffrey La Rosa, encarga cu examinacion di e cuminda- y resultadonan, a splica cu como parti di e examen di e aña aki, e studiantenan culinario mester a traha riba un buffet completo riba nan mes. Esaki tabata forma parti di e final di henter e aña escolar aki. E studiantenan a forma un grupo consistiendo di e Executive Chef y Sous Chef. La Rosa a conta cu e ta masha orguyoso di e studiantenan, kende a traha hopi duro pa por cumpli cu e buffet aki den forma exitoso. 

Den tur esaki, e studiante Ricardo Sanchez a splica cu e tabata fungi como e Executive Chef y el a bisa cu e evento tabata uno exitoso y a gradici e pueblo di Aruba pa sostene e evento.

Sanchez a splica cu ta cu su klas mes el a haci e buffet internacional aki y a percura pa inclui e sabornan Caribense, manera e ‘coconut flakes’, bolo di cashupete y bolo preto “cosnan cu ta pone bo sinti na cas, cosnan cu ta yena bo curason”.

Pa cobertura mas amplio lesa edicion di TREMPAN mañan.





Source link

Click to comment

Leave a Reply

Your email address will not be published. Required fields are marked *

More in Aruba

To Top