Connect with us

EPB San Nicolas a celebra graduacion di studiante tur sector

Caribe

EPB San Nicolas a celebra graduacion di studiante tur sector


EPB San Nicolas ta clausura su aña escolar den grandi, cu e graduacion di su alumnonan. Como scol nan tabatin un aña di exito, c’un promedio di graduado di 93%.

Ramsey Mathilda, Director di EPB San Nicolas a indica cu, como scol, nan ta sumamente orguyoso di nan studiantenan. Nan a logra un averahe completo di 93%, cu ta 212 studiante cu a gradua. E anochi aki di graduacion tabata pa tur e sectornan cu ta conforma EPB San Nicolas: Tecnico (ICT, Electro, Onderhoud), Economie (Administratie, Comercio y ABO (All Around Businesses) y den Servicio (Gastheer/gastvrouw, Cushina).

EPB tin 212 cu, en principio, por bay drenta mercado laboral, pero esaki ta nan escogencia. Pero tambe tin algun cu ta sigui EPI y algun di nan ta bayendo Hulanda. Algun compania a ofrece trabou na algun di e hobennan. EPB ta hopi orguyoso di nan alumnonan y tur di nan a pasa nan pasantia cu exito,  si no nan lo no a gradua y esey ta e parti bunita di e estudio. Pa Mathilda, e exito di e studiantenan, no ta solamente n’e contenido di e estudio, pero tambe e norma y balornan. Un alumno mester por demostra respet, saluda ora di yega y ora di bay, pidi un bendicion, sa con pa bisti y tambe yega na tempo. Tur esakinan ta clave di exito pa e futuro di e alumnonan.

IMG 5030 1

Tur dia e docentenan di EPB ta inculca e norma y balor den nan alumnonan. Hopi biaha, como docente of maestro, bo no ta wak esaki di biaha. Pero tur loke a papia cu nan, a siña nan, e studiantenan ta implementa esakinan ora di stage y esaki ta sigur un momento di hopi satisfaccion p’e scol y su grupo di docentenan. Y e 93% di graduado, ta demostra esey, cu nan ta riba e bon caminda!

E aña escolar tra’i lomba, nan a implementa un metodo di acercamento diferente. A enfoca hopi mas riba norma – y balornan. Nan ta sinti nan mes como mayornan, cu ta papia hopi cu nan yiunan, pero tambe cu nan mayornan. Tur aña nan ta analisa, wak unda nan a faya y e exito tabata unda cu e contacto mas estrecho entre scol y e mayornan. Tambe cu e alumnonan, cu a pesar di tur cos, a scucha di loke e docentenan tabata bisa, tabata sigui e consehonan. Y esaki, Mathilda a bisa, nan como scol, ta mira bek den e cantidad di graduadonan.

El a gradici cada un di e miembronan di e personal, pasobra sin e personal, como director, su so lo no a logra. El a gradici e docentenan, e mayornan cu a confia nan cu nan yiunan, e personal di limpiesa cu ta un wowo extra riba e studiantenan. Tur cu di un of otro forma, a contribui n’e exito di EPB San Nicolas.





Source link

More in Caribe

A2Z ADMINISTRATION

AD

To Top