Connect with us

Entrega di Sertifikado pa Siklo PATRIOTISMO

Korsou

Entrega di Sertifikado pa Siklo PATRIOTISMO


Akademia Popular Errol Scoop, e ala di formashon di Movementu Kousa Promé, a organisá komo parti di su programa akadémiko di 2021, un siklo emansipatorio pa promové e balor patriotismo bou di siudadania di Kòrsou.

Djabièrnè último 12 di novèmber e kurso a kulminá ku entrega di sertifikado. E ta un di e tantísimo kursonan den trayektoria di 8 aña di eksistensia di e akademia.

Den e situashon di gran retraso mental ku Kòrsou ta den aktualmente patriotismo ta sumamente nesesario i bon mirá un kondishon hopi determinante pa e lucha sagrado pa rekobrá identidat, stima pais i defendé patrimonio.

Patriotismo komo balor ta propagá un grado haltu di ekselensia moral ku ta karakterisá i manifestá su mes den otro balornan ku ta forma parti integral di patriotismo. Nan ta konfiansa, honestidat, integridat, amor, solidaridat i koperashon.

Un kantidat di 68 kursista a risibí nan sertifikado di partisipashon meritorio. Tres luna largu dosentenan a duna kursistanan lès i instrukshon riba temanan ku ta trata patrotismo. A trata por ehèmpel patriotismo i maneho di enseñansa, turismo, kultura, historia, urbanisashon, bario, baluarte i érue di Kòrsou i patrimonionan di Kòrsou.

Kursistanan a risibí dos ekskurshon pa siña apresiá patrimonionan balioso di Kòrsou. Unu tabata den región natural bunita di Santa Martha i e otro tabata den siudat monumental Otrobanda.

Akademia Popular Errol Scoop a dediká e kurso den su totalidat na e baluarte drs. Jeanne Henriquez MSc kende riba e último anochi a risibí su plaka di rekonosimentu.

Durante e anochi di entrega di sertifikado kursistanan mester a presentá nan tarea final na públiko. Kada grupo di kursista mester a anunsiá i presentá e baluarte yu di Kòrsou ku nan a skohe. Nan mester a argumentá i splika e motibunan pakiko a skohe e baluarte. E baluartenan skohí tabata: sra. Ilene Sintiago, Jeannette Juliet Pablo, René Rosalia, Yubi Kirindongo, Rignald Recordino i Victor Bartholomeus (dfm).

Akademia Popular Errol Scoop por mira bèk riba otro kurso eksitoso pa pueblo di Kòrsou. Sesent’i  ocho persona mas a bira mas sabidó i a risibí mas material i kuminda pa por stima i kuida Kòrsou.

Den aña akadémiko 2022 Akademia Popular Errol Scoop lo lansa dos kurso nobo. Keda pendiente.

Riba e foto por mira e grupo di kursista ku a risibí sertifikado



Source link

Click to comment

Leave a Reply

Your email address will not be published. Required fields are marked *

More in Korsou

To Top